Jeremías 9:20 - CHUYA QELLQA La Biblia en Quechua de Ayacucho 2012

²⁰ Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Quechua Ayacucho Bible 1987

²⁰ Yaw warmikuna, Tayta Diospa palabrantayá uyariychik. Paypa nisqankunatayá chaskiychik. Warmi wawaykichiktayá waqanankupaq yachachiychik kaynata. Warmimasikichikkunatayá aya takita yachachiychik kaynata:

Chuya Qellqa 1992

²⁰ Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Jeremías 9:20 Iomraidhean Croise

Jobwan Sutichasqa Libro 22:22

Paypa yachachikuynintayá chaskikuy, palabrankunatayá sonqoykipi waqaychay.

Isaías 3:16

Tayta Diosmi kaynata nin: Sión llaqtapi hatun tukuq warmikuna, umankuta altoman hoqarisparaq puriqkuna, ñawinkuwan engañananpaq qawaqkuna, ñutuchallamanta puriq qewillirakuna, chakinkupi adornokunata sallsallyachistin puriqkuna,

Isaías 3:4

Paykunapa rantinpim Tayta Diosqa jovenkunataña churanqa kamachikunankupaq, warmakunatañataq munaychakunankupaq.

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:28

Pipas mosqoruspaqa chay mosqorusqantayá willakuchun, pipas rimasqayta uyarispaqa imam kaqtayá willakuchun. Trigotawan pajataqa manam hukllawanachu.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Jeremías 9:12

Ñoqañataqmi nirqani: ¿Pitaq yachaysapa runa kanman kaykunata yachananpaq? ¿Pimantaq kaykunata Tayta Dios rimapayarqa chaynapi wakin runakunamanpas willakunanpaq? ¿Ima-nasqataq kay nación purmachisqa kachkan, manaña pipapas purinan chunniq kanankama? nispa.

Lamentaciones 2:19

Tuta hatarispa qapariy yakuta tallichkaq hina sonqoykimanta Señorman willakuy, makikita hoqarispayki wawaykikunapaq mañakuy, paykunam callekunapi yarqaymanta wañunayachkanku.

Lamentaciones 2:21

Warmakunawan yuyaqkunam callekunapi wischurayachkanku, jovenkunawan sipaskunam espadapi wañurunku, piñakusqayki punchawpim wañurachinki, mana llakipayarispam wañurachinki.