Jeremías 9:2 - CHUYA QELLQA La Biblia en Quechua de Ayacucho 2012

² Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Quechua Ayacucho Bible 1987

² Amalaya chunniqpi samakuna wasi karapuwanman. Chayna kaptinqa llaqtamasiykunamanta ayqekuspach pasakuyman. Llapallankum chuchumika warmi hinaña rikurirunku. Llapallankum traicionaq runakunaña rikurirunku.

Chuya Qellqa 1992

² Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Jeremías 9:2 Iomraidhean Croise

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Jeremías 12:1

Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Jeremías 12:6

Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 23:10

Kay nacionqa waqllikuq runakunapa huntasqanmi kachkan, ñakasqa kasqankuraykum allpapas llakisqa kachkan, chunniqpi pastokunapas chakisqam kachkan, chay profetakunaqa mana allinkuna ruwaypim kallpakachanku, atiyniyuq kasqankupas mana allinkuna ruwanallankupaqmi.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Jeremías 5:11

Israel nacionwan Judá nacionmi qepancharuwanku. Ñoqa Tayta Diosmi chaynata nini.

Jeremías 5:2

Ñoqa kawsaq Diosrayku juraspankupas paykunaqa llullakuspam juramentanku.

Oseas 4:2

Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Oseas 5:7

Mana reqsisqa runakunapa churinta wachakuspam ñoqa Tayta Diosta qepancharuwankichik; chayraykum qamkunapas kapuqnikichikkunapas huk killallapi tukusqa kankichik.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Oseas 7:4

Llapallankum paykunaqa waqllikunku, masa poqonankama tanta ruwaqpa horno kañasqanmanraqmi rikchakunkupas.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Sofonías 3:4

Profetankunapas hatun tukuq hinaspa iskay uya llullakunam, sacerdotenkupas Diospa altarnintam qachacharunku, Diospa kamachikuynintam saruparunku.

Malaquías 2:11

Judá nacionmi Tayta Diosta qepanchakurun, Israel nacionpiwan Jerusalén llaqtapipas millakuypaq kaqkunallatam ruwachkanku. Judá nacionmi Diospa templonta millakuypaq huchata ruwaspan qachacharun, qarikunapas huklaw nacionkunapa diosninkunata yupaychaq warmikunawanmi casarakurunku.

Malaquías 2:14

Hinaspam tapukunkichikraq: ¿Imanasqataq kaykunaqa pasawachkanchik? nispaykichikraq. Diosmi testigo joven kachkaspallaraq akllakusqayki warmita, wañunayki punchawkama kuyanaykipaq casarachkaspa traicionasqaykimanta. Paytam vida pasaqmasiki kachkaptin traicionarunki.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

Jueces 2:10

Josueypa wiñaymasinkunapas, ñawpaq taytanku hina wañukuptinkum paykunapa qepanta huk miraykunaña nacemurqa, paykunaqa manam Tayta Diosta reqsirqakuchu, nitaqmi Israelpa mirayninkunapaq Tayta Diospa imakunam ruwasqantapas yacharqakuchu.