Jeremías 9:16 - CHUYA QELLQA La Biblia en Quechua de Ayacucho 2012

¹⁶ Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Quechua Ayacucho Bible 1987

¹⁶ Abuelonkupapas nitaq kikinkupapas mana reqsisqanku nacionkunamanmi cheqerachisaq. Guerrapi peleaptinkupas qatikachachisaq manaña chullapas puchunankamam, nispa.

Chuya Qellqa 1992

¹⁶ Taytankupapas kikinkupapas mana reqsisqanku nacionkunamanmi cheqechisaq. Espadawan qatikachachispaymi manaña chullapas puchunankukama tukusaq, nispa.

Jeremías 9:16 Iomraidhean Croise

Nehemías 1:8

Yuyariyá serviqniki Moisesman kayna nisqaykita: “Huchallikuptikichikqa huklaw nacionkunamanmi cheqechisqaykichik.

Eclesiastés 12:5

Chay punchawpiqa wichayman qespiytapas manchakunkim, ñanpipas manchakuykunam kanqa, almendras sachapas waytarunqam, aqaruway urupas llasakunqam, mikuy ganaspas chinkarunqam; runaqa wiñaypaq yachananmanmi richkan, wañuruptin waqaqkunapas callekunamantam muyupayamunqaku.

Jeremías 13:24

Chayraykum qamkunataqa cheqerachisqaykichik, imaynam chunniqpi wayrawan qopata apachichkaq hina.

Jeremías 24:10

Paykunamanmi guerrata, yarqayta hinaspa peste onqoyta kacharisaq, taytankuman qosqay allpamanta chinkanankukama.

Jeremías 25:27

Israelpa yupaychasqan Tukuy Atiyniyuq Tayta Diosmi paykunaman kaynata ninaypaq niwarqa: Upyaychik macharuspa kutichinaykichikkama, pampaman wichiykuspa manaña hatariy atinaykichikkama, contraykichikpi guerrata kacharimusqayrayku.

Jeremías 29:17

Tukuy Atiyniyuq ñoqa Tayta Dios kaynata nini: Paykunapa contranpim guerrata, yarqayta hinaspa peste onqoyta kachamusaq. Mikunapaqpas mana valeq ismusqa higosta hinañam paykunataqa ruwarusaq.

Jeremías 44:27

Ichaqa chayllam kachkani sasa-chakuyta qamkunaman kacharimunay-paq, manañam yanapasqaykichikchu. Judamanta hamuspa Egiptopi yachaq-kunam pasaypaq tukunaykichikkama guerrawan hinaspa yarqaywan wañunkichik.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Ezequiel 11:17

Chayraykum ñoqa Tayta Dios kaynata nini: Ñoqam paykunataqa cheqechisqay nacionkunamanta kutichimusaq, chay nacionkunamanta huñumuspaymi kay Israel allpata paykunaman qosaq.

Ezequiel 12:15

Nacionkunaman cheqerachispay tukuy hinastinman wischuruptiyñam Tayta Dios kasqayta yachanqaku.

Ezequiel 14:17

Sichum chay nacionman guerrata kachaykuptiy runakunapas animalpas wañurunman,

Ezequiel 20:23

Chay chunniqpim jurarqani paykunata kay pachapi tukuy nacionman cheqerachinaypaq.

Ezequiel 27:2

Runapa churin, qamyá Tiro llaqtapaq aya takita takiy.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 5:2

Llaqta atacayta tukuruspaykim huknin rakisqayki chukchaykita llaqta chawpinpi kañanki. Chaymantam huknin rakisqayki chukchaykita llaqtapa muyuriqninpi kuchupanki. Huknin rakisqayki chukchaykitañataqmi wayrawan apachinki. Ñoqam espada makintin paykunata qatikachasaq.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.

Deuteronomio 28:25

Tay-ta Diosmi enemigoykichikkunawan vencechisunkichik. Enemigoykichikpa contranpim huk ñanninta seqella lloqsinkichik, ichaqa qanchis ñannintam paykunamanta ayqenkichik. Llapa nacionkunapa munaychakunanñam kankichik.

Deuteronomio 28:36

Qampapas chaynataq ñawpaq taytaykikunapapas mana reqsisqan nacionmanmi, qamta chaynataq reynikitapas Tayta Dios pusachisunki. Chaypim kullumanta chaynataq rumimanta ruwasqa sapaq dioskunataña yupaychanki.

Deuteronomio 28:64

Tayta Diosmi llapallan nacionkunaman, kay pachapa patanmanta huknin patankama cheqechisunkichik. Chaypim qamkunapa chaynataq ñawpaq taytaykikunapa mana reqsisqan kullumanta hinaspa rumimanta ruwasqa idolokunataña servinkichik.

Deuteronomio 32:26

Paykuna cheqerachiytam tantearqani, manaña yuyarisqa kanankupaq chinkarachiytam tantearqani.

Deuteronomio 4:27

Huklaw nacionkunaman Tayta Dios cheqerachisuptikichikmi chay nacionkunapi asllaña puchunkichik.

Santiago 1:1

Ñoqa Santiagom Diospa hinaspa Señor Jesucristopa serviqnin, llapallan kay pachapi cheqesqa Israelpa chunka iskayniyuq ayllunkunata rimay-kamuykichik.