Jeremías 9:12 - CHUYA QELLQA La Biblia en Quechua de Ayacucho 2012

¹² Ñoqañataqmi nirqani: ¿Pitaq yachaysapa runa kanman kaykunata yachananpaq? ¿Pimantaq kaykunata Tayta Dios rimapayarqa chaynapi wakin runakunamanpas willakunanpaq? ¿Ima-nasqataq kay nación purmachisqa kachkan, manaña pipapas purinan chunniq kanankama? nispa.

Quechua Ayacucho Bible 1987

¹² Ñoqam nirqani: —¿Pitaq yachaysapa runa kanman kaykunata entiendenanpaq? ¿Pimantaq Tayta Dios chaykunata rimapayarqa wakinkunamanpas willakunanpaq? ¿Imanasqataq kay nacionqa purmachisqa hinaspa kañasqa kachkan chunniqninta hina manaña pipas purinanpaqqa? —nispa.

Chuya Qellqa 1992

¹² Ñoqañataqmi nirqani: ¿Pitaq yachaysapa runa kanman kaykunata yachananpaq? ¿Pimantaq kaykunata Tayta Dios rimapayarqa chaynapi wakin runakunamanpas willakunanpaq? ¿Imanasqataq kay nación purmachisqa kachkan, manaña pipapas purinan chunniq kanankama? nispa.

Jeremías 9:12 Iomraidhean Croise

Isaías 42:23

¿Mayqannikichiktaq kay nisqaykunata uyariwaqchik? ¿Mayqannikichiktaq hamuq punchawkunamanta yachayta munawaqchik?

Jeremías 23:10

Kay nacionqa waqllikuq runakunapa huntasqanmi kachkan, ñakasqa kasqankuraykum allpapas llakisqa kachkan, chunniqpi pastokunapas chakisqam kachkan, chay profetakunaqa mana allinkuna ruwaypim kallpakachanku, atiyniyuq kasqankupas mana allinkuna ruwanallankupaqmi.

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:22

Ñoqapa qayllaypi kaspankuqa llaqtaymancha palabraykunata willanmanku karqa; mana allin kawsayninkumantawan mana allin ruwayninkumanta wanakunankupaqchá willanmanku karqa.

Jeremías 23:28

Pipas mosqoruspaqa chay mosqorusqantayá willakuchun, pipas rimasqayta uyarispaqa imam kaqtayá willakuchun. Trigotawan pajataqa manam hukllawanachu.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Ezequiel 14:23

Imaynam kawsasqankutawan imakunam ruwas-qankuta qawaspam sonqoykichikta tiyachinkichik, chaynapim yachankichik Jerusalén llaqtataqa mana yanqamantachu castigasqayta. Ñoqa Tayta Diosmi chaynata nini.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Oseas 4:10

Ñoqa Tayta Diosmanta karunchakurusqankuraykum mikuspankupas mana saksanqakuchu, mirayta munaspankupas manam miranqakuchu.

Joel 1:11

Chakra llamkaqkuna, uvas plantaqkuna, llakikuymanta waqaychik; trigomantawan cebadamanta waqaychik, chakrakunapim cosecha pierderun.

Sofonías 3:6

Tayta Diosmi kaynata nin: Nacionkunatam chinkarachini, torrenkunatapas murallankunatapas lliwtam tuñirachini, callenkunatapas pasaypaqtañam chunnirachini, runakunapas chaynintaqa manañam purinñachu. Purmasqa llaqtakunapiqa, manañam chulla runapas kanñachu.

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Deuteronomio 32:29

Yachayniyuq kaspaqa musyakunmankuchá imapim tukurunankutapas.

Apocalipsis 1:3

Mayna kusisqam kay libropi qell-qasqa profeciakuna leeqkunaqa hinaspa uyariqkunaqa chaynataq kaypi qellqas-qa kaqkunata ruwayman churaqkunapas. Tiempopa cumplikunanqa ñam hichpamuchkanña.