Jeremías 9:10 - CHUYA QELLQA La Biblia en Quechua de Ayacucho 2012

¹⁰ Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Quechua Ayacucho Bible 1987

¹⁰ Llakisqallañam waqasaq orqokunamanta. Llakiypaqmi-llakikusaq chunniqpi pastokunamanta. Pastokunaqa kañasqañam chayninta runapas manaña purinanpaq. Pastokunaqa kañasqañam animalkunapa qapariyninpas manaña uyarikunanpaq. Pawaq animalkunam lluptikunku. Purun animalkunam ayqekunku.

Chuya Qellqa 1992

¹⁰ Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Jeremías 9:10 Iomraidhean Croise

Isaías 41:15

Musoq trillanamanmi tikrayki, kirusapa trillanatam ruwayki, orqokunatam pasaypaqta kutanki, moqokunatapas qopata hinam rikurichinki.

Isaías 49:19

Llaqtaykiqa tuñichisqa, chunnichisqa hinaspa purmachisqa kachkaspapas, achkallaña runayuqmi kanqa, ñakarichisuqnikikunapas qanmanta karunchasqam kanqa.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 12:11

Purmarachispam chunnichkaqta saqerunku, ñoqam waqachkaqta qawarqani. Lliw nacionmi purmasqa kachkan, ichaqa manam pitapas imapas qokunchu.

Jeremías 12:4

¿Haykapikamataq allpa chakisqalla kanqa? ¿Haykapikamataq purunpi qorakunapas qawisqa kanqa? Kay nacionpi yachaqkunapa huchanmantam uywakunawan alton pawaq animalkunapas chinkarun. Paykunam ninku: Diosqa manam imayna tukurunanchiktapas yachanchu, nispanku.

Jeremías 14:6

Monte asnokunapas chaki orqokunapim sayachkanku, atoqkuna hinam wayrallataña muskichkanku; pasto mana kaptinmi ñawinkupas tutayachkan.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 23:10

Kay nacionqa waqllikuq runakunapa huntasqanmi kachkan, ñakasqa kasqankuraykum allpapas llakisqa kachkan, chunniqpi pastokunapas chakisqam kachkan, chay profetakunaqa mana allinkuna ruwaypim kallpakachanku, atiyniyuq kasqankupas mana allinkuna ruwanallankupaqmi.

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Jeremías 8:18

Nanaypa intusqan kaptiymi, sonqoypas wañunayachkanña.

Lamentaciones 1:16

Chayraykum waqachkani, paray mayum weqellaypas suturichkan, manam piniypas consuelawaqniy kanchu, manam kallpanchaqniypas kanchu. Enemigoykunam venceruwaspa wawaykunata lliw wañurachin.

Lamentaciones 2:11

Ñawillaypi weqellaykunapas tukurunñam, llaqtaypa tuñisqanta qawaspaymi ancha hukmayasqa kachkani, ñuñuq wawakuna yarqaymanta plazakunapi wañuqta qawaspaymi hukmanyasqallaña kachkani.

Lamentaciones 5:18

Sión llaqtam purmarun, purun animalkunallañam chaypiqa muyurichkanku.

Ezequiel 14:15

Sichum runa mikuq animalkunata chay nacionman kachaykuptiy llapa runakunata mikuruspa chunnirachinman, chay animalkunata manchakusqankurayku manaña pipas chayninta pasanankama,

Ezequiel 27:2

Runapa churin, qamyá Tiro llaqtapaq aya takita takiy.

Ezequiel 29:11

Runapas, animalpas manañam chaynintaqa purinqañachu, tawa chunka watapunim chaypiqa manaña pipas yachanqañachu.

Ezequiel 33:28

Chay naciontaqa purmarachispaymi chun-nichkaqta saqerusaq, kallpaykichiktawan hatun tukuynikichiktam chinkarachisaq. Israel nacionpi orqokunapas chunninqam, chaynintaqa manañam pipas pasanqakuñachu.

Ezequiel 6:6

Maypiña yachaptikichikpas chay llaqtakunam purmachisqa kanqa, idoloykichikkunapa altarninkunapas tuñichisqam kanqa. Altarkunawan llapa idolokunapas pasaypaq chinkachisqam kanqa. Incienso kañanaykichik altarkunapas ñutusqam kanqa. Qamkunapaqqa ima ruwakusqaykichikpas chinkachisqam kanqa.

Oseas 4:3

Chayraykum kay nacionqa sinchi llakipi tarikun, kay nacionpi runakunam mana kallpayuq rikurirunku; purun animalkunapas, alton pawaq urpikunapas, lamar qochapi challwakunapas wañuchkankum.

Joel 1:13

Sacerdotekuna lutokuspa waqaychik, altarpi servikuqkuna qaparkachaychik; Diosniypa serviqninkuna, hamuspa luto pachantin puñuychik; Diosnikichikpa templonpim kawsaykunata hinaspa vinota ofrecey tukurun.

Joel 1:19

Dios Taytalláy, qamtam qayakamullayki, chunniqpi pastokunatam nina ruparun, purunpi sachakunatam lenwachkaq nina ruparun.

Amós 5:1

Israel runakuna uyariychik, llaki simikuna rimarisqayta.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.