Jeremías 8:9 - CHUYA QELLQA La Biblia en Quechua de Ayacucho 2012

⁹ Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Quechua Ayacucho Bible 1987

⁹ Yachaysapakunam penqayman churasqa kanqaku. Toqllapa hapisqan animal hinam sonsoyachisqa kanqaku. Manam kasukurqakuchu palabraytaqa. ¿Maypitaq kachkan yachaysapa kayninkuqa?

Chuya Qellqa 1992

⁹ Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Jeremías 8:9 Iomraidhean Croise

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

Jobwan Sutichasqa Libro 5:12

sakri runakunapa tanteasqantañataqmi yanqachan, makinkunapa ruwasqan mana qespichisqa kananpaq;

Jobwan Sutichasqa Libro 5:13

yachaysapa tukuqkunatam kikinkupa sakri kayllankupi wichirachin, mana allinkuna ruway munasqankutam yanqachan.

Isaías 19:11

Zoán llaqtapi kamachikuqkunaqa llumpay roqrukunam. Rey Faraonpa yachaysapa consejeronkunapas mana pasaqtam consejanqaku. Ninkuraqmi: Yachayniyuqmi ñoqaykuqa kaniku, ñoqaykuqa ñawpaq reykunapa castanmi kaniku, nisparaq.

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Isaías 43:27

Ñawpaq taytaykikunapas huchallikurqakum, yachachiqnikikunapas manam kasuwarqakuchu.

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 2:8

Sacerdotekunapas manam tapukurqakuchu: ¿Maytaq Tayta Diosqa? nispallapas. Kamachikuyniykunata yachachiqkunapas, manam reqsiwarqakuchu; kamachiqninkunapas contraypim hatarirqaku, profetakunapas Baal idolopa sutinpim profetizarqaku, hinaspam millakuypaq idolokunaman qokururqaku.

Jeremías 49:7

Tukuy Atiyniyuq Tayta Diosmi Edom nacionpa contranpi kaynata nirqa: ¿Yachaychu Temán llaqtapi tukurun? ¿Yachayniyuqkunapa consejakuyninchu tukurun? ¿Yachayninchu manaña valeq rikurirun?

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Ezequiel 7:26

Paykunamanqa sasachakuymi manaña tukuyta chayamunqa, mana allin willakuykunam ñataq-ñataq chayamunqa. Yanqapaqmi profetatapas maskanqaku Diospa kaqta imallatapas willananpaq, yachachikuq sacerdotekunapas manañam kanqachu, allin consejakuq ancianokunapas manañam kanqachu.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Zacarías 13:4

Chay tiempopiqa profetakunapas llullata willakusqankumantam penqakunqaku. Manañam pipas profetapa qaramanta capanwan churakuykuspaqa runamasinta engañanqañachu.

Deuteronomio 4:6

Kasukuspa ruwaptikichikqa wakin nacionpi runakunam reqsisunkichik qamkunaqa allin yachayniyuq hinaspa allin yuyayniyuq runakuna kasqaykichikta. Paykunapas kay kamachikuykunata yachaspankum ninqaku: “¡Cheqaptapunipas allin yachayniyuq hinaspa allin yuyayniyuq hatun nacionmi kay nacionqa!” nispanku.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.