Jeremías 8:6 - CHUYA QELLQA La Biblia en Quechua de Ayacucho 2012

⁶ Uyarisqayman hinaqa manam pipas cheqap rimaqqa kanchu, manam pipas huchanmantaqa wanakunchu, manam pipas huchanta reqsikuspa ninchu: ¿Imatataq kayta ruwaruni? nispaqa. Guerraman kallpaq caballo hinaraqmi llapallanku pantay ñanman kallpanku.

Quechua Ayacucho Bible 1987

⁶ Uyarisqayman hinaqa manam pipas wanakurqachu. Mana allin rurasqankumantam mana wanakurqakuchu. ‘¿Imatataq chaytaqa ruraruni?’ nispallapas manam nirqakuchu. Llapallankum pantay kawsayman kutirunku. Guerrapi kallpaq caballo hinaraqmi pantay kawsayman kallpanku.

Chuya Qellqa 1992

⁶ Uyarisqayman hinaqa manam pipas cheqap rimaqqa kanchu, manam pipas huchanmantaqa wanakunchu, manam pipas huchanta reqsikuspa ninchu: ¿Imatataq kayta ruwaruni? nispaqa. Guerraman kallpaq caballo hinaraqmi llapallanku pantay ñanman kallpanku.

Jeremías 8:6 Iomraidhean Croise

Jobwan Sutichasqa Libro 10:2

Diostam nisaq: Amayá mana allin ruwaqpaqqa hapillawaychu, aswanqa imapim pantarusqayta qawaykachillaway.

Jobwan Sutichasqa Libro 34:31

¿Yaqachu Diosta nirqanki: “Huchallikurunim, manañam yapatawanqa huchallikusaqñachu.

Jobwan Sutichasqa Libro 34:32

Mana rikusqay huchaykunata qawaykachiway, sichum huchallikuruspayqa manañam huktawanqa ruwasaqñachu”, nispayki?

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Isaías 59:16

Tukuy chaykunata allichaq mana kasqanmantam Tayta Dios hukmanyarurqaraq, chaymi kikinpa atiyninwanña salvarqa, allinkuna ruwasqanwanmi takyachirqa.

Jeremías 23:25

Ñoqam chay llulla profetakunapa rimasqanta uyarirqani, sutiypiraqmi paykunaqa “mosqorunim, mosqorunim” nispa llullallata willakuchkanku.

Jeremías 3:5

¿Wiñaypaqchu piñakurunki? ¿Wiñaypaqchu piñakuyniki kanqa? nispayki. Ichaqa chaynata niwachkaspapas, tukuy rikchaq mana allinkunatam ruwarqanki.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Ezequiel 18:28

Mana kasukusqanta qawaykuspan mana allin ruwasqankunata saqesqanraykum cheqaptapuni kawsanqa, manam wañunqachu.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.

Sofonías 3:7

Hinaspaymi nirqani: Jerusalenqa manchakuwanqañachá, corregisqaytapas chaskikunqañachá, wasinkunapas manañachá castigasqayraykuqa purmanqañachu, nispay. Ichaqa paykunam tukuy rikchaqmana allinkuna ruwayta chaylla qallaykurqaku.

Hageo 1:5

Chayraykum Tukuy Atiyniyuq Tayta Dios kaynata nin: Imaynam kawsasqaykichiktayá sumaqta qawakuykuychik.

Hageo 1:7

Tukuy Atiyniyuq Tayta Diosmi kaynata nin: Imaynam kawsasqaykichiktayá allinta qawakuykuychik.

Malaquías 3:16

Hinaptinmi Tayta Diosta kasukuspa hatunchaqkuna kikinkupura rimanakurqaku, chaytam Tayta Dios allinta uyarirqa. Chaymi Tayta Diospa qayllanpi huk librota qellqarqaku, Diosta kasukuqkunamanta chaynataq sutinta hatunchaqkunamanta yuyarinankupaq.

2~Pedro 3:9

Manam wakinkunapa nisqanpi hinachu Señorqa imam promesantaqa unachimuchkan, aswanqa mayqanllaykichikpas mana chinkanaykichikta munaspam. Chaynataqa pacienciakun llapallaykichik Señorman kutirikunaykichikta munaspam.

Apocalipsis 9:20

Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.