Jeremías 8:4 - CHUYA QELLQA La Biblia en Quechua de Ayacucho 2012

⁴ Yaw, Jeremías, ñoqa Tayta Diospa nisqayta paykunaman kaynata nimuy: Pipas urmaruspanqa sayarirunpunim, pipas ñanmanta karuncharuspanqa kutirinpunim.

Quechua Ayacucho Bible 1987

⁴ —Yaw Jeremias, ñoqa Tayta Diospa parteymantayá paykunaman kaynata nimuy: “Pipas urmaruspanqa sayarirunpunim. Pipas karuncharuspanqa kutirinpunim.

Chuya Qellqa 1992

⁴ Yaw, Jeremías, ñoqa Tayta Diospa nisqayta paykunaman kaynata nimuy: Pipas urmaruspanqa sayarirunpunim, pipas ñanmanta karuncharuspanqa kutirinpunim.

Jeremías 8:4 Iomraidhean Croise

1~Reyes 8:38

huchankumanta sonqonkupi ñakakuspa mayqan runapas otaq Israelpa lliw mirayninkunapas kay temployki lawman makinkuta hoqarispa qayakamuptinkuqa,

Proverbios 24:16

Allin ruwaq runaqa qanchis kutikamaña wichispapas qanchis kutikamam hatarinqa; mana allin runakunam ichaqa sasachakuyman wichinqaku. -28-

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 36:3

Icharaqpas Judapa mirayninkunaqa tukuy ima castigokuna kachariy munasqayta uyarispanku mana allin kawsayninkumanta wanakunmanku, hinaptinqa mana allinkuna ruwasqankutawan huchankutam pampachaykusaq, nispa.

Jeremías 4:1

Tayta Diosmi kaynata nin: Israelpa mirayninkuna, kutirikamuyta munaspaqa ñoqamanmi kutirikamunaykichik. Sichum qayllaymanta millakuypaq idolokunata wischuspa ñoqamanta mana sapaqchakuspaqa,

Ezequiel 18:23

Ñoqaqa manapunim munanichu mana allin ruwaq runapa wañunantaqa, aswanqa mana allin ruwasqanmanta wanakuspa kawsakunantam munani.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Oseas 7:10

Israelpa hatun tukuyninmi kikinpa contranpi rikurirun, ichaqa manam Tayta Diosman kutirikunkuchu nitaqmi maskankuchu.

Amós 5:2

Manaraq qari reqsiq sipas hinam Israel wichiykun haykapipas manaña hatariy atinankama, maymi tuñisqanpim qeparun, manam pipas hatarichiqnin kanchu.

Miqueas 7:8

Cheqniwaqniy nación, tuñisqata qawawaspaykiqa amayá kusipayawaychu, wichiruspaypas ñoqaqa hatarisaqmi, tutayayña pampaykuwaptinpas Tayta Diosmi kanchariwaqniyqa.