Jeremías 8:22 - CHUYA QELLQA La Biblia en Quechua de Ayacucho 2012

²² ¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Quechua Ayacucho Bible 1987

²² Galaad lawpiqa ¿manañachum balsamo hampi kanman? Hampiqpas chaypiqa ¿manañachum kanman? Llaqtamasiykunapa heridanqa ¿manachum sanoyachisqa kanman?

Chuya Qellqa 1992

²² ¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Jeremías 8:22 Iomraidhean Croise

Génesis 37:25

Hinaspam mikunankupaq tiyaykuspanku Ismael casta negociantekunata Galaad lawmanta hamuchkaqta rikururqaku. Paykunam camellonkupi Egiptoman apachkarqaku miski asnaq perfumekunata, balsamota hinaspa mirrata.

Génesis 43:11

Chaymi taytanku Israel nirqa: Chayna kaptinqa kaynatayá ruwaychik, chay runamanyá kay Canaán lawpi allinnin regalokunata apaychik: Aslla balsamota, mielta, miski asnaq perfumekunata, mirrata, nuezkunata hinaspa almendrasta.

Jeremías 14:19

Dios Taytalláy, ¿pasaypaqtachu Judá nacionta qepanchakurunki? ¿Pasaypaqtachu Sión llaqtaykita cheqnikurunki? ¿Imanasqataq manaña hampiy atina kanaykukama castigaruwankiku? Hawkayaytam suyarqaniku, ichaqa sasachakuyllam chayaramuwanku; sanoyachisqa kaytam suyarqaniku, ichaqa manchakuyllapim kachkaniku.

Jeremías 22:6

Judá nacionpi reypa palacionmantam Tayta Dios kaynata nin: Qamqa Galaad allpa hinam ñoqapaq kanki, Líbano orqopa puntan hinam kanki; ichaqa juranim, cheqaptapunim chunnichisqayki, mana runayuq llaqtatañam ruwasqayki.

Jeremías 46:11

Egipto runakuna, Galaad lawman hampi maskaq riychik. Yanqapaqñam hampikunatapas apamunkichik, qampaqqa manañam hampi kanchu.

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Jeremías 6:7

Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Jeremías 9:1

Amalaya ñawiy pukyu hina rikurirunman, amalaya weqeypas kallpaq yaku hina rikurirunman, chaynapi llaqtamasiykunapa wañusqanmanta tuta punchaw waqanaypaq.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Lamentaciones 2:13

Jerusalén llaqta, ¿pitaq qampa rantikipi rimarinman? ¿Pimantaq rikchanachikiman sonqoykita tiyachinaypaq? Sión llaqta lamar qocha hina hatunmi llakikuynikiqa, ¿pitaq hampiykusunkiman?

Ezequiel 27:17

Judá nacionpi hinaspa Israel nacionpi runakunapas rantisuspaykim, Minit lawpi chaynataq Panag lawpi trigokunawan, mielwan, aceitewan hinaspa balsamowan pagasuq kanki.

Números 32:1

Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

Lucas 8:43

Chay runakunapa chawpinpim chunka iskayniyuq wataña yawarpakuywan onqoq warmi kachkarqa, tukuy kapuqninkunata rantikuspam medicokunawan hampichikurqa, ichaqa manam mayqanninkupas sanoyachiyta atirqakuchu.