Jeremías 8:2 - CHUYA QELLQA La Biblia en Quechua de Ayacucho 2012

² Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Quechua Ayacucho Bible 1987

² Chay tullukunam maqchipasqa kanqa intiman, killaman chaynataq llapallan lucerokunaman. Chaykunatam paykunaqa kuyaspallaña servirqaku, qatirqaku, tapupayarqaku hinaspa adorarqaku. Chay tullukunata pampanankupaq manaña pipas huñuptinmi wanu hinaña pampapi kanqa.

Chuya Qellqa 1992

² Chay tullukunam machqepasqa kanqa intiman, killaman chaynataq chaskakunamanpas; chaykunatam paykunaqa kuyaspa servirqaku, qatirqaku, tapukurqaku hinaspa hatuncharqaku. Chay tullukunata pampanankupaq manaña pipas huñuptinmi wanu hinaña pampapi kanqa.

Jeremías 8:2 Iomraidhean Croise

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Reyes 21:3

Taytan Ezequiaspa tuñichisqan capillakunatapas musoqmanta hatarichispanmi, Baal idolopaqña altarkunata ruwarqa. Israelpa reynin Acab hinam Asera idolotapas ruwarqa. Cielokunapi chaskakunatapas yupaycharqam.

2~Reyes 21:5

Templopa iskaynin pationkunapipas cielokunapi kaq llapa chaskakunata yupaychananpaqmi altarkunata ruwarachirqa.

2~Reyes 23:5

Judá nacionpa llaqtankunapi chaynataq Jerusalén llaqtapa muyuriqnin moqokunapi kaq capillankunapi incienso kañanankupaq Judá nacionpi reykunapa churasqan sacerdotekunatapas qarqorurqam. Qarqorurqataqmi Baalman, intiman, killaman hinaspa llapallan chaskakunaman incienso kañanankupaq churasqanku sacerdotekunatapas.

Eclesiastés 6:3

Sichum huk runa pachak churiyuq kaspa unay watakunata kawsanman, ichaqa unay watakuna kawsachkaspapas allin kaqwan mana kusikuspa wañuruspa mana pampasqa kaptinqa, chay runamantaqa sullusqa wawaraqmi aswan allinqa.

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 16:11

Chaymi ñoqa Tayta Diospa nisqayta kaynata ninki: Ñawpaq taytaykichikkunam saqeruwaspanku idolokunataña qatirqaku, chaykunatam qayllanpi qonqoraspanku yupaycharqaku. Ñoqata saqeruwaspankum kamachikuyniykunatapas mana kasukurqakuchu.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 16:6

Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Jeremías 19:13

Jerusalén llaqtapi wasikunawan Judá nacionpi reykunapa palacionkunapas, Tofet qechwa hina millakuypaqñam kanqa. Chay wasikunapa altosninpim chaskakunaman inciensota kañapurqaku, chaypim llapa idolokunamanpas vino ofrendata tallipurqaku, nispa.

Jeremías 22:19

Aysaspankum Jerusalén llaqtamanta hawaman wischunqaku, asnota hinam pampanqaku.

Jeremías 25:33

Chay punchawpi Tayta Diospa wañuchisqankunam kay pachapa cantonmanta huknin cantonkama wischurayanqaku, paykunamantaqa manam pipas aya takita takinqakuchu, ayankutapas manam pipas hoqarinqakuchu nitaqmi pampanqakuchu, paykunaqa hatun ispay hinam pampapi wischurayanqaku.

Jeremías 31:40

Chaymantam ayakuna wischunanku lawninta hinaspa uchpa wischunanku wayqonta chutarikunqa Cedrón wayqonta intipa qespimunan lawpi Caballokunapa yaykunanwan sutichasqa punkukama. Tukuy chaykunam ñoqa Tayta Diospaq sapaqchasqa kanqa. Chay llaqtaqa manañam haykapipas tuñichisqachu nitaq purmachisqachu kanqa.

Jeremías 36:30

Chayraykum ñoqa Tayta Dios kaynata niki: Judá nacionpa reynin Joacim, miraynikimantaqa manam pipas kanqachu rey Davidpa rantinpi munaychakuqqa. Ayaykipas punchaw rupaypi hinaspa tuta qasapim wischurayanqa.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Jeremías 9:21

Wañuymi wasinchikman yaykuramun, wañuymi palacionchikkunaman chayaramun; warmakunatam callekunapi wañuchichkan, jovenkunatam plazakunapi wañuchichkan.

Jeremías 9:22

Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Ezequiel 29:5

Mayuykipi challwakunatawan kuskatam chunniqman wischurusqayki, pampaman wichiykuptikim mana pipas hoqarisunkichu, nitaqmi pipas pampasunkichu, aswanqa purun animalkunañam mikusunki, alton pawaq animalkunam mikusunki.

Ezequiel 39:5

Ayaykichikpas llutan pampapim wischurayanqa. Ñoqa Tayta Diosmi chaynata nini.

Ezequiel 6:5

Israelpa mirayninkuna, ayaykichiktam chay idoloykichikkunapa ñawpaqninman montorusaq, tulluykichikkunatapas altarnikichikkunapa muyuriqninpim cheqerachisaq.

Ezequiel 8:16

Chaymantam Tayta Diospa templonpa uku law pationman aparuwarqa, chaymi pachakuna waqaychanamanta altarman rinapi, yaqa iskay chunka pichqayuq qarikuna kachkasqaku. Paykunam templota qepanchakuruspanku intipa qespimunan lawman pampakama pakchakuykuspanku intita yupaychachkasqaku.

Sofonías 1:17

Chay punchawpim runakunata ñakarichisaq, Tayta Diospa contranpi huchallikusqankuraykum ñawsa hinaña purinqaku. Yawarninkupas ñutu allpa hinam pampaman tallikunqa, aychankuñataqmi hatun ispay hina montorayanqa.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Hechos 7:42

Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw, Israelpa mirayninkuna, ¿yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Deuteronomio 17:3

chaynataq idolokunata yupaychaspa ñawpaqninpi qonqorachkaqta; intita, killata, chaskakunata yupaychachkaqta, chaykuna ruwaytaqa manam Tayta Diosqa kamachikurqachu.

Deuteronomio 4:19

Yanqañataq cielopi intita, killata, chaskakunata hinaspa cielopi tukuy ima kaqkunata qawaspaykichik yupaychawaqchik. Tukuy chaykunataqa Señornikichik Tayta Diosmi kay pachapi llapa runakunapaq churarqa.