Jeremías 8:16 - CHUYA QELLQA La Biblia en Quechua de Ayacucho 2012

¹⁶ Caballonkunapa samatyasqanpas Danpa allpanmantaraqmi uyarikuchkan, caballokunapa weqeqeqeyninwanmi allpapas katkatatachkan, llaqtatawan tukuy imankunata tuñichiqmi hamuchkan, chaypi yachaqkunata wañuchiqmi hamuchkan, nispanku.

Quechua Ayacucho Bible 1987

¹⁶ Dan castapa allpan lawmantaraqmi caballonkupa samatyasqanpas uyarikuchkan. Potronkupa weqeqeqeyninwanmi allpakunapas katkatatachkan. Kay nacion tuñichiqmi hamuchkanku. Tukuy imanpas chinkachiqmi hamuchkanku. Llaqtata tuñichiqmi hamuchkanku. Chaypi *f**yachaqkunata wañuchiqmi hamuchkanku.

Chuya Qellqa 1992

¹⁶ Caballonkunapa samatyasqanpas Danpa allpanmantaraqmi uyarikuchkan, caballokunapa weqeqeqeyninwanmi allpapas katkatatachkan, llaqtatawan tukuy imankunata tuñichiqmi hamuchkan, chaypi yachaqkunata wañuchiqmi hamuchkan, nispanku.

Jeremías 8:16 Iomraidhean Croise

Jobwan Sutichasqa Libro 39:20

¿Aqaruway uruta hinachu pawaykachachinki? ¿Qamchu senqanwan qorqoryaq caballota pawaykachachinki?

Jeremías 10:25

Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 3:24

Llapa idolokunata penqakuypaq yupaychasqaykuraykum, warmallaraq kachkaptiyku taytaykupa armasqan ovejaykupas, vacaykupas hinaspa wawa-churiykupas manaña kanñachu.

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 30:5

Ñoqa Tayta Diosmi kaynata nini: Manchakuymanta qapariykunam uyarikuchkan, manam hawkayayqa kanñachu, aswanqa manchakuyllañam.

Jeremías 4:24

Orqokunata qawariptiymi katkatatachkasqaku, qawariptiymi moqokunapas kuyuchkasqaku.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 47:3

Caballokunapa kallpasqanta, carretakunapa ruedanpa qaparisqanta uyarispankum, llapa taytankupas manaña kallpayuq rikurispanku wawa-churinkuta saqerunku.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Jeremías 50:42

Flechana arcokunawan lanzakunawan armasqam hamuchkanku, pasaypaq mana llakipayakuq runakunam hamuchkanku, Lamar qocha hinaraqmi qaparinkupas, Caballopi silladam hamuchkanku, Babiloniata atacanankupaqmi hamuchkanku.

Jeremías 51:29

Babilonia nacionta manchakuypaq chunniqman tikrananpaq tanteasqanta Tayta Dios ruwayman churaptinqa allpapas katkatatanqaraqmi.

Jeremías 6:23

Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Nahúm 3:2

Latigokunapa toqyayninwan, ruedakunapa qapariyllanñam uyarikuchkan; caballokunapa kallpayninwan carretakunapa kallpayllanñam uyarikuchkan.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

1~Corintios 10:26

“Señorpam tukuy kay pachapi kaqkunaqa, paypataqmi kay pachapi tukuy ima kaqkunapas”.

1~Corintios 10:28

Sichum pipas nisunkichik: “Kay aychaqa idolokunaman ofrecesqam karqa” nispa, hinaptinqa willasusqaykichikraykum hinaspa concienciaraykum ama mikunkichikchu.

Jueces 18:29

Chay llaqtatam ñawpaq taytanku Danpa sutinwan suticharurqaku, Israelpa churin Danpa sutinman hina. Chay llaqtapa ñawpaq sutinqa Laismi karqa.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 5:22

Caballokunapa kallpasqanmi uyarikurqa, kallpasapa caballokunapa kallpasqanmi uyarikurqa.