Jeremías 8:14 - CHUYA QELLQA La Biblia en Quechua de Ayacucho 2012

¹⁴ Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Quechua Ayacucho Bible 1987

¹⁴ Runakunam ninqaku: ¿Imapaqtaq kaypiqa yachachkanchik? Huñunakuruspanchikyá murallasqa llaqtakunaman pasakusunchik. Chaypiyá hukllataña wañumusunchik. Yupaychasqanchik Tayta Diosmi wañuchiwasunchik. Venenasqa yakutam tomachiwarqanchik. Contranpi huchallikusqanchikraykum wañuchiwasunchik.

Chuya Qellqa 1992

¹⁴ Hinaptinmi paykuna ninqaku: ¿Imatataq kaypi tiyaspa ruwachkanchik? hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Jeremías 8:14 Iomraidhean Croise

2~Samuel 20:6

Hinaptinmi Abisaitaña David nirqa: Bicripa churin Sebaqa Absalonmantapas aswan más dañotaraqmi ruwawasun, chaynaqa soldadoykunawan paypa qepanta qatiy, yanqañataq murallasqa llaqtakunata tariruspa pakakuruwachwan, nispa.

Isaías 47:5

Sipas kaqlla Caldea llaqta upallalla tiyay, tutayaymanña yaykuy; qamtaqa manañam pipas nisunkiñachu: “Nacionkunapi munaychakuq llaqta”, nispaqa.

Jeremías 14:20

Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Jeremías 14:7

Dios Taytallayku, huchaykum acusawachkanku, sutikiraykuyá yanapaykullawayku. Mana kasukusqaykuqa nana-nanaqmi, contraykipim huchallikuruniku.

Jeremías 23:15

Chay profetakunapa contranpim Tukuy Atiyniyuq Tayta Dios kaynata nini: Chay profetakunamanmi qatqe ajenjota mikuchisaq, venenoyuq yakutam tomachisaq. Jerusalenpi profetakunamantam millakuypaq kaqkuna lloqsimurqa, hinaspam lliw nacionman cheqerirqa, nispa.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 35:11

Ichaqa Babilonia nacionpa reynin Nabucodonosor kay nacionpa contranpi hamuruptinmi ninakurqaniku: Caldea tropakunamanta chaynataq Siria tropakunamanta lluptikunanchikpaq Jerusalén llaqtaman ayqekusun, nispayku. Chayraykum kay Jerusalén llaqtapi yachachkaniku, nispanku.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Jeremías 9:15

Chayraykum ñoqa Tukuy Atiyniyuq Tayta Dios kay-nata nini: Kay runakunamanmi ajenjota mikuchisaq, hinaspaymi venenoyuq yakuta tomachisaq.

Lamentaciones 3:19

Ñakarisqaytawan sapallay kasqaytam yuyarini, ajenjo hina qatqe llakikuyniytam yuyarini.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Amós 6:10

Hinaptinmi wasimanta tullukunata wischunanpaq hukkaqnin ayllun wañuqkunapa cuerponta kañanqa; hinaspanmi wasi kuchupi qeparuqta tapunqa: ¿Kachkanraqchu pipas chaypi? nispa. Chaymi pakakuqñataq nimunqa: Manañam kanñachu, nispa. Yaykuqñataqmi ninqa: ¡Upallay! Yanqañataq Tayta Diospa sutinpi jurawaq, nispa.

Habacuc 2:20

Tukuy Atiyniyuq Tayta Diosmi ichaqa sapaqchakusqan templonpi kachkan. Paypa qayllanpiyá kay pacha upallachun.

Zacarías 2:13

Chaynaqa, llapallan runakuna Tayta Diospa qayllanpi upallachun; paymi, maymi yachananmanta hatarispan ñoqanchikman hamuchkan.

Mateo 27:34

Jesusman vinota qatqe qorapa yakunwan chapuykuspanku tomachirqaku. Jesusmi ichaqa malliykuspan mana tomayta munarqachu.

Deuteronomio 29:18

Amam qamkuna ukupiqa kanqachu qaripas, warmipas, aylluykichikpas otaq miraynikichikpas, chay nacionkunapa idolonkuta yupaychaspanku Tayta Diosmanta rakikuqkunaqa. Yanqañataq qamkuna ukupi rikurirunman hayaq otaq qatqe sapiyuq plantakuna hina runakuna.

Deuteronomio 32:32

Paykunapaqqa uvas plantankupas Sodoma Gomorra lawpi uvas hinam, paykunapa uvasninkuqa venenoyuq qatqe uvaskunam.