Jeremías 8:13 - CHUYA QELLQA La Biblia en Quechua de Ayacucho 2012

¹³ Tayta Diosmi nin: Pasaypaqtam paykunata chinkarachisaq, chulla uvaspas kallmanpiqa manam puchunqachu, higospas sachanpiqa manam puchunqachu, rapinkunatapas pasaypaqtam chakirachisaq. Paykunaman qosqaytapas lliwtam qechurusaq.

Quechua Ayacucho Bible 1987

¹³ Tayta Diosmi nin: Pasaypaqtam paykunata chinkarachisaq. Chulla uvaspas manam kallmanpi puchunqachu. Higospas manam sachanpi puchunqachu. Rapinkunatapas pasaypaqtam chakirachisaq. Paykunaman qosqaykunatam qechuchisaq.

Chuya Qellqa 1992

¹³ Tayta Diosmi nin: Pasaypaqtam paykunata chinkarachisaq, chulla uvaspas kallmanpiqa manam puchunqachu, higospas sachanpiqa manam puchunqachu, rapinkunatapas pasaypaqtam chakirachisaq. Paykunaman qosqaytapas lliwtam qechurusaq.

Jeremías 8:13 Iomraidhean Croise

Isaías 5:10

Chunka yugadayuq chakramantam huk urpu vinollataña hurqonqaku, chunka saco muhumantam chulla sacollataña cosechanqaku”, nispa.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 14:15

Chayna-qa, ñoqa Tayta Diosmi chay profetakunamanta kaynata nini: Mana kamachichkaptiy sutiypi willakuspa “guerrapas yarqaypas manam kanqachu” niq profetakunaqa guerrapiwan yarqaypim wañunqaku.

Jeremías 17:8

Chayna runaqa, mayu patanpi plantasqa sacha hinam kanqa, yakupa patanpi sapichakuq sacha hinam kanqa, rupay chayamuptinpas manam manchakunqachu, llaqenkunapas llanllay-llanyaymi kanqa. Chiraw tiempopipas manam hukmanyanqachu, mana tipiytam rurunqapas.

Jeremías 5:17

Cosechaykikunatam mikuspa tukurunqaku, churikunatapas qarita warmitam mikurunqaku, ovejaykikunatawan vacaykikunatam mikukurunqaku, uvasnikikunatawan higosnikikunatam kuchuparunqaku. Hapipakunayki murallasqa llaqtaykikunatapas lliwmi tuñirachinqaku.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Ezequiel 22:31

Chayraykum ñoqaqa llumpay piñakuywan paykunata castigaspay tukurusaq, mana allinkuna ruwasqankutapas kikillankumanmi kutichisaq. Ñoqa Tayta Diosmi chaynata nini.

Oseas 2:12

Uvas plantankunatawan higos sachankunatapas wituchisaqmi. Chaykunamantam pay nirqa: “Kaykunaqa kuyaqniykunapa pagawasqanmi”, nispa. Chaykunata qorayarachiptiymi purun animalkunaña mikunqaku.

Joel 1:7

Uvas plantaykunatapas pasaypaqtam purmarachinku, higos sachaykunatapas pasaypaqtam pakiparunku, kallmankunatapas yuraqyanankamam qalaturunku.

Levítico 26:20

Kallpaykichikpas ususqam yanqa llamkankichik, chakraykichikpiqa manam imapas qespinqachu, nitaqmi lliw nacionnikichikpi fruta sachakunapas rurunqachu.

Habacuc 3:17

Higos sachakuna manaña waytaptinpas, uvaskuna manaña ruruptinpas, aceitunas sachakuna manaña ruruptinpas, chakrakunapi kawsaykuna manaña qespiptinpas, kanchanpi ovejakuna tukuruptinpas, corralpi vacakuna manaña kaptinpas,

Hageo 1:11

Ñoqam kay pachaman usyayta kacharimuni: Chakrakunaman, orqokunapa hawanman chaynataq trigoman, uvas plantakunaman, aceitunas sachakunaman, allpapi tukuy ima wiñaqkunapa hawanman hinaspa runakunapa hawanman, animalkunapa hawanman chaynataq makinkuwan imaña ruwasqankupa hawanmanpas, nispa.

Hageo 2:17

Llamkasqaykichiktapas rupach-kaq wayrawan, qasawan, runtu para-wanmi tukuchirqani, ichaqa ma-nam ñoqaman kutirikamuwarqankichikchu. Tayta Diosmi chaynata nin.

Malaquías 3:11

Kikiypunim kawsaynikichikta mikuq urukunatapas qarqorusaq, hinaptinmi chakraykichikpa ruruntapas mana mikupusunkichikchu, chakraykichikpi uvas plantaykichikpas mana pisiytam rurunqa. Tukuy Atiyniyuq Tayta Diosmi chay-nata nin.

Mateo 21:19

Chaymi ñanpa patanpi higosta rikuruspan asuykurqa. Ichaqa manam ima rurutapas tarirqachu aswanqa llaqellantam. Chayraykum chay higosta nirqa: ¡Kunanmantaqa manañam haykapipas rurunkiñachu! nispan. Hinaptinmi chaypunilla chay higos chakirurqa.

Santiago 1:11

Inti qespiramuspa ruparamuptinmi qoraqa chakirun, waytanñataqmi wichirun hinaptinmi sumaqllaña kayninpas tukurun, chaynapunim apu runapas qollqella huñuy munasqanpi wañurunqa.