Jeremías 8:12 - CHUYA QELLQA La Biblia en Quechua de Ayacucho 2012

¹² Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Quechua Ayacucho Bible 1987

¹² Millakusqaykunata rurasqankumantaqa penqakunanku kachkaptinpas manam penqakunkuchu. Penqakuytaqa manam yachankuchu. Chayraykum ñoqa Tayta Dios nini: Paykunata castigasqay tiempopim wichinqaku. Wañuchisqakunawan kuskam wañusqa wichinqaku.

Chuya Qellqa 1992

¹² Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Jeremías 8:12 Iomraidhean Croise

Génesis 19:34

Paqarinnintinñataqmi sullkanta piwi kaq nirqa: Chisi tutam taytanchikwan puñururqani, chaynaqa kunanpas huktawanyá sinkarachisun, qamñataq paywan puñunaykipaq, chaynapi taytanchikpa miraynin mana qollurunanpaq, nispa.

Isaías 24:2

Runakunatawan sacerdotekunatapas, criadontawan patronnintapas, criadantawan patronantapas, rantiqnintawan rantikuqtapas, prestakuqtawan prestaqnintapas, lliwtam cheqechinqa.

Isaías 3:9

Qara uya kayninkum paykunataqa acusachkan, Sodoma llaqtapa hinam huchanku sutillata qawakuchkan. ¡Imaynaraq kanqaku! Kikillankum sasachakuykunata maskakurunku.

Jeremías 10:15

Chay idolokunaqa mana imapaq valeqmi, castigasqa kasqanku punchawmi ñutusqa kanqaku.

Jeremías 14:15

Chayna-qa, ñoqa Tayta Diosmi chay profetakunamanta kaynata nini: Mana kamachichkaptiy sutiypi willakuspa “guerrapas yarqaypas manam kanqachu” niq profetakunaqa guerrapiwan yarqaypim wañunqaku.

Jeremías 23:12

Chayraykum paykunapa kawsayninqa tutayaypi lluchka ñan hina kanqa, tanqasqa kaspankum chayman wichiykunqaku, castiganay punchawpim ñakariyta paykunaman apamusaq. Ñoqa Tayta Diosmi chaynata nini.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 44:10

Mana allinkuna ruwasqaykichikmantaqa kunankamapas manam wanakunkichikraqchu, nitaqmi manchakunkichikpaschu; kawsankichikpas manam taytaykichikkunaman chaynataq qamkunaman qosqay kamachikuyniykunaman hinaspa yachachikuyniykunaman hinachu.

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 6:21

Chayraykum ñoqa Tayta Dios kaynata nini: Kay llaqta mitkananpaqmi trancata churasaq, tayta-mamanpas wawa-churinkuwan kuskam wichinqaku, vecinonpas, puriqmasinkunapas chaymanmi wichinqaku, hinaspam chaypi wañunqaku.

Ezequiel 23:18

Hinaspanmi llapa runakunapa ri-kusqanta chuchumika kayman wischu-kuykurqa, qalalla kaytapas manañam penqakurqakuchu. Chaymi ñoqapas ñañanta hinaña millakururqani.

Oseas 5:9

Israel ayllukunamanmi cheqaptapuni imam pasananmanta willachini, castigasqay punchawmi Efrainpas chinkanqa.

Sofonías 3:5

Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Deuteronomio 32:35

Mana allin ruwaqkunatam castigasaq, mana allin ruwasqankuman hinam pagapusaq. Wichinanku punchawmi chayamuchkanña, chinkachisqa kananku punchawmi hichpaykamuchkanña, purmachisqa kananku punchawmi utqaykamuchkanña”, nispa.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.