Jeremías 7:33 - CHUYA QELLQA La Biblia en Quechua de Ayacucho 2012

³³ Kay runakunapa ayantam alton pawaq animalkunawan purun animalkunaña mikunqaku, manam pipas amachaq kanqachu.

Quechua Ayacucho Bible 1987

³³ Kay runakunapa aychantaqa mikunqa alton pawaq animalkunawan monte animalkunañam, manañam pipas chay animalkuna manchachiqqa kanqachu.

Chuya Qellqa 1992

³³ Kay runakunapa ayantam alton pawaq animalkunawan purun animalkunaña mikunqaku, manam pipas amachaq kanqachu.

Jeremías 7:33 Iomraidhean Croise

Isaías 18:6

Chaynatam ullachkukunapaq orqokunapi saqerunqa, purunpi animalkunapaqmi saqerunqa. Chiraw tiempopim pawaq animalkuna chaykunata mikunqa, poqoy tiempopim purun animalkuna chaykunata mikunqa, nispa.

Jeremías 12:9

Llaqtayqa kuyayllapaq purayuq urpi hinaraqmi, paytaqa aycha mikuq alton pawaq animalkunam atacanku. ¡Purun animalkuna, huñunakamuychik, convidota mikunaykichikpaq hamuychik!

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 15:3

Ñoqa Tayta Diosmi kaynata nini: Tawa castigokunatam paykunaman kachamusaq: Guerrawanmi wañuchisqa kanqaku, allqokunam paykunata llikipanqa, alton pawaq animalkunam paykunata mikunqa, purun animalkunam paykunata tisapanqa.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 22:19

Aysaspankum Jerusalén llaqtamanta hawaman wischunqaku, asnota hinam pampanqaku.

Jeremías 25:33

Chay punchawpi Tayta Diospa wañuchisqankunam kay pachapa cantonmanta huknin cantonkama wischurayanqaku, paykunamantaqa manam pipas aya takita takinqakuchu, ayankutapas manam pipas hoqarinqakuchu nitaqmi pampanqakuchu, paykunaqa hatun ispay hinam pampapi wischurayanqaku.

Jeremías 34:20

Chayraykum paykunataqa enemigonkumanña qoykusaq wañuchisqa kanankupaq. Ayankutapas alton pawaq animalkunawan purun animalkunam mikunqa.

Jeremías 9:21

Wañuymi wasinchikman yaykuramun, wañuymi palacionchikkunaman chayaramun; warmakunatam callekunapi wañuchichkan, jovenkunatam plazakunapi wañuchichkan.

Jeremías 9:22

Runakunapa ayanmi hatun ispay hina chakrakunapi wischurayachkan, rutuqkunapa qepanpi gavillakuna hinam wischurayachkan, manam pipas hoqariq kanchu. Ñoqa Tayta Diosmi chaynata nini.

Ezequiel 29:5

Mayuykipi challwakunatawan kuskatam chunniqman wischurusqayki, pampaman wichiykuptikim mana pipas hoqarisunkichu, nitaqmi pipas pampasunkichu, aswanqa purun animalkunañam mikusunki, alton pawaq animalkunam mikusunki.

Ezequiel 39:4

Chaynapim qamqa llapallan tropaykikunapiwan hinaspa qanwan hamuq nacionkunapiwan Israel nacionpa orqonkunapi wañunkichik, chaypim qamkunata alton pawaq animalkunaman hinaspa purun animalkunaman mikusunaykichikpaq qoykusqaykichik.

Deuteronomio 28:26

Ullachkukunawan purun animalkuna ayaykichikta mikuptinpas manam pipas manchachinqachu.

Deuteronomio 8:20

Imaynam qamkunapa qayllaykichikmanta nacionkunata Tayta Dios chinkachinqa, chaynam qamkunapas Señornikichik Tayta Diospa nisqanta mana kasukuspaykichikqa chinkachisqa kankichik.