Jeremías 7:28 - CHUYA QELLQA La Biblia en Quechua de Ayacucho 2012

²⁸ Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun, nispa.

Quechua Ayacucho Bible 1987

²⁸ Kaynatam nimunki: “Kay nacionpi runakunaqa yupaychasqanku Tayta Diospa palabran mana kasukuq runakunam, corregisqapas mana corregikuy munaq runakunam. Cheqap rimay chinkaruptinmi manaña cheqap rimaq rikurirunku.

Chuya Qellqa 1992

²⁸ Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun.

Jeremías 7:28 Iomraidhean Croise

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Isaías 30:9

Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 17:23

Taytaykichikkunam ichaqa mana uyarirqakuchu nitaqmi kasuwarqakuchu, aswanqa sonqonkuta rumiyarachispankum mana kasukurqakuchu nitaq wanakurqakuchu, nispa.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 32:33

Qepanchakuruwaspankum manaña qawariwaqkuñachu. Mana samaykuspa yachachichkaptiypas manam kasuwarqakuchu, nitaqmi corregikuytapas munarqakuchu.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Jeremías 6:17

Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Jeremías 6:28

Paykunaqa llapallankum mana kasukuq runakuna, llapallankum chinkaypi puriq cuento qepikuna. Bronce hina fierro hina mana sientiqmi kanku, llapallankum mana allin ruwaqkuna.

Jeremías 6:8

¡Jerusalén llaqta, wanakuyña, qanmanta mana karunchakunaypaq! Yanqañataq chunniqman tikraruykiman, yanqañataq mana pipa yachananman tikraruykiman.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Sofonías 3:2

Payqa manam Diospa Chuya siminta uyarirqachu, manam corregichikuytapas munarqachu, Tayta Diospipas manam hapipakurqachu, nitaqmi asuykuytapas munarqachu.

Sofonías 3:7

Hinaspaymi nirqani: Jerusalenqa manchakuwanqañachá, corregisqaytapas chaskikunqañachá, wasinkunapas manañachá castigasqayraykuqa purmanqañachu, nispay. Ichaqa paykunam tukuy rikchaqmana allinkuna ruwayta chaylla qallaykurqaku.