Jeremías 7:24 - CHUYA QELLQA La Biblia en Quechua de Ayacucho 2012

²⁴ Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Quechua Ayacucho Bible 1987

²⁴ Aswanqa mana uyariwaspam mana atiendewarqakuchu, mana kasukuspa rinankupas kachkaptinmi qepamanraq kutirqaku.

Chuya Qellqa 1992

²⁴ Ichaqa mana kasukuspankum mana kaqpaqpas hapirqakuchu, aswanraqmi sonqonkupa munasqanta ruwaspa tukuy mana allinkunata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Jeremías 7:24 Iomraidhean Croise

Nehemías 9:29

Kamachikuynikikunaman kutirikunankupaqmi anyarqanki, paykunam ichaqa hatun tukuspanku kamachikuynikikunata mana kasukurqakuchu, yachachikuynikikunapa contranpi huchallikuspam sarutyarqaku, chay yachachikuykunaqa kawsaytam qon pipas kasukuqninmanqa, mana kasukuq hinaspa rumi sonqo kaspankum mana kasukurqakuchu.

Jeremías 13:10

Kay mana allin runakunaqa kamachikuyniykunata mana kasukuspam sonqonkupa munasqanman hina kawsachkanku. Idolokunaman qokuruspankum chaykunataña qonqoranpa hatunchachkanku. Chay ismusqa chumpi hinam paykunaqa mana imapaq valeq rikurirunku.

Jeremías 13:11

Imaynam huk runa chumpita weqawninman watakurun, chaynatam Israel runakunatawan Judá runakunatapas ñoqaman watasqata hatallirqani, chaynapi runaykunaña kaspanku wakin runakunaman sutiyta reqsichinankupaq, yupaychawaspanku hatunchawanankupaq. Ichaqa manam kasuwarqakuchu. Ñoqa Tayta Diosmi chaynata nini.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 17:23

Taytaykichikkunam ichaqa mana uyarirqakuchu nitaqmi kasuwarqakuchu, aswanqa sonqonkuta rumiyarachispankum mana kasukurqakuchu nitaq wanakurqakuchu, nispa.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Jeremías 18:10

Chaywanpas sichum chay nacionkuna mana allinkunata ruwaspanku mana kasuwaptinkuqa, allinninkupaq tanteasqay kaqkunawanqa manam yanapasaqñachu.

Jeremías 18:12

Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 22:21

Tukuy imayuq kaspa hawka kachkaptikim rimapayarqayki, ichaqa manam uyariwarqankichu. Qamqa warma kasqaykimantapunim ima nisqaytapas mana kasuwarqankichu.

Jeremías 23:17

Qepanchakuwaqniy runakunatam paykunaqa nichkanku: Tayta Diosmi nisunki: “Hawkallam kankichik”, nispanku. Mana kasukuq sonqoyuq runakunatañataqmi nichkanku: “Sasachakuyqa manam chayamusunkichikchu”, nispanku.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Jeremías 32:33

Qepanchakuruwaspankum manaña qawariwaqkuñachu. Mana samaykuspa yachachichkaptiypas manam kasuwarqakuchu, nitaqmi corregikuytapas munarqakuchu.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Ezequiel 20:16

Kamachikuykuna qosqaytapas wischupakuspankum mana decretoykunaman hinachu kawsarqaku, samana punchawniykunatapas pasaypaqtam sarutyarurqaku. Paykunaqa idolokunapi sonqoyuqllam kawsarqaku.

Ezequiel 20:21

Ichaqa mirayninkunapas manam kasuwarqakuchu; kawsanankupaq qosqay decretoykunatapas mana kasukuspankum kamachikuyniykunatapas mana ruwayman churarqakuchu; samana punchawniykunatapas sarutyarurqakum. Hinaptinmi piñakuyniyta kachaykuspay chay chunniqpi chinkarachiyta tantearqani.

Ezequiel 20:8

Paykunam ichaqa mana kasuwaspanku contraypi hatarirurqaku; manam millakuypaq diosninkutapas wischurqakuchu, nitaqmi Egipto nacionpa idolonkunatapas saqerqakuchu. Chaymi piensarqani piñakuyniy tukunankama paykunata Egipto nacionpi castigaruyta.

Daniel 9:6

Servisuqniki profetaykikunatapas manam uyarirqanikuchu, paykunaqa qanmantam willakurqaku reyniykumanpas, kamachiwaqniykumanpas, ñawpaq taytaykumanpas chaynataq nacionniykupi runakunamanpas.

Oseas 10:6

Asiriapa tropankunam hamuruspanku chay qori torillota apakunqaku reyninkuman regalota qonankupaq, chaymi Israelpa mirayninkuna chay idolota yupaychasqankumanta penqaypi kanqaku.

Oseas 4:16

Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.

Deuteronomio 29:19

Sichum pipas, kay pactopi kaq ñakaykunata uyarichkaspan sonqonpi kaynata alabakunman: “Rumi sonqo kaspay munasqayta ruwakuptiypas, tukuy imam allinpuni lloqsiwanqa”, nispa. Chayna runaqa llapallan runakunatam urmarachinqa.