Jeremías 7:20 - CHUYA QELLQA La Biblia en Quechua de Ayacucho 2012

²⁰ Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Quechua Ayacucho Bible 1987

²⁰ Chayraykum Señor Diosnikichikpa piñakuyniyqa chaynataq anchallaña rabiakuyniyqa kay sitiopa contranpi kanqa chaynataq runakunapa, animalkunapa, sachakunapa hinaspa chakrakunapi wiñaqpa contranpipas. Mana amachay atina nina hinam rabiakuyniyqa kanqa.

Chuya Qellqa 1992

²⁰ Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Jeremías 7:20 Iomraidhean Croise

2~Reyes 22:17

Ñoqata saqeruwaspanku huk rikchaq dioskunamanña inciensota kañasqankuraykum piñakuyniy nina hina kay sitiopa contranpi ruparispan mana taninqachu.

Isaías 10:17

Israelpa achkiqnin Tayta Diosmi lenwachkaq ninaman tikrakunqa, huk punchawllapi ruparuspam nacionpi tukuy rikchaq kichkakunatawan qorakunatapas chinkarachinqa.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Jeremías 11:16

Ñoqam sumaq ruruyuq rapisapa aceitunas sachawan suticharqayki. Kunanmi rayowan hina ninata ratarirachispay kañarusqayki, hinaptinmi kallmaykikunapas toqyasparaq rupanqa.

Jeremías 12:4

¿Haykapikamataq allpa chakisqalla kanqa? ¿Haykapikamataq purunpi qorakunapas qawisqa kanqa? Kay nacionpi yachaqkunapa huchanmantam uywakunawan alton pawaq animalkunapas chinkarun. Paykunam ninku: Diosqa manam imayna tukurunanchiktapas yachanchu, nispanku.

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 17:27

Sichum mana kasuwaspa, kamachisqayman hina samana punchawta ñoqapaq mana sapaqchaspa, Jerusalén llaqtapa punkunta cargakunata apaykuptikichikqa, kay llaqtapa punkunkunatam kañaykusaq, hinaptinmi Jerusalén llaqtapa palacionkunatapas ruparunqa. Chay ninataqa manam pipas amachayta atinqachu, nispa.

Jeremías 17:4

Herenciaykichik kananpaq qosqay allpatam saqenkichik, mana reqsisqaykichik nacionpim enemigoykichikkunata servichimusqaykichik, piñakuyniymi nina hina ratarirun kañasunaykipaq.

Jeremías 18:23

Dios Taytalláy, qamqa yachankim wañuchiwanankupaq tukuy ima rimanakusqankutapas, mana allinkunata ruwaspa qayllaykipi huchallikusqankutaqa amayá pampachaychu, qayllaykimanta paykunata wichichiy, piñakuynikiwan castigay.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 44:6

Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Jeremías 6:12

Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Jeremías 8:13

Tayta Diosmi nin: Pasaypaqtam paykunata chinkarachisaq, chulla uvaspas kallmanpiqa manam puchunqachu, higospas sachanpiqa manam puchunqachu, rapinkunatapas pasaypaqtam chakirachisaq. Paykunaman qosqaytapas lliwtam qechurusaq.

Lamentaciones 4:11

Tayta Diosmi piñakuyninta kachaykamurqa, sinchi piñakuynintam chaqchurimurqa, Sión llaqtatam ninawan kañaykurqa, cimientonkamaraqmi llaqtata chinkarachirqa.

Ezequiel 22:22

Chaynaqa, hornopa chawpinpi qollqe chulluchisqa hinam qamkunapas llaqtapa chawpinpi chullunkichik. Chaynapim yachankichik ñoqa Tayta Dios piñakuywan castigasqayta, nispa.

Ezequiel 7:12

Tiempom chayaramunña, chay punchawmi hichparamunña. Imapas rantiqqa ama kusikuchunchu, rantikuqpas ama llakikuchunchu. Israelpa hatun tukuynintam piñakuyniywan castigasaq.

Ezequiel 7:14

Guerraman rinankupaqmi trompetata tocaspa tukuy imata alistanqaku, ichaqa manam pipas riq kanqachu, ñoqapa piñakuyniymi paykunapa hawanpi kachkan.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Levítico 26:28

ñoqapas contraykichikpi piñakuspaymi aswan qanchis kutikamaraq huchaykichik-manta ñakarichisqaykichik.

Nahúm 1:6

¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Sofonías 1:2

Tayta Diosmi kaynata nin: Kay pachapi tukuy imatam pasaypaqta chinkarachisaq.

Sofonías 1:3

Chinkachisaqmi runakunatapas, uywakunatapas, alton pawaqkunatapas, lamar qochapi challwakunatapas, mana allin runakunatapas. Llapa runatam kay pachamanta chinkachisaq.

Zacarías 7:12

Sonqoykichikta pasaypaqta rumiyarachispam, Espiritunpa yanapakuyninwan ñawpaq profetankunatakama Tukuy Atiyniyuq Tayta Dios rimapayasusqaykichik yachachikuyninkunata chaynataq kamachikuyninkunatapas mana kasukurqankichikchu. Chayraykum Tukuy Atiyniyuq Tayta Dios llumpayta piñakururqa.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Apocalipsis 14:10

Diospa piñakuynin vinotam paypas upyanqa. Chay piñakuyninqa mana chaqrusqa vino hinam kachkan Diospa piñakuynin sutiyuq vasopi. Chay upyaqkunaqa ninapiwan azufrepim Corderopa qayllanpi hinaspa chuya angelkunapa qayllanpi ñakarichisqa kanqaku.