Jeremías 7:19 - CHUYA QELLQA La Biblia en Quechua de Ayacucho 2012

¹⁹ Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Quechua Ayacucho Bible 1987

¹⁹ Ñoqa Tayta Diosmi nini: ¿Ñoqata rabiachiwanankupaqchu chayta ruranku icha kikinku penqayman churakunankupaqchu?

Chuya Qellqa 1992

¹⁹ Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Jeremías 7:19 Iomraidhean Croise

Esdras 9:7

Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Jobwan Sutichasqa Libro 35:6

Huchallikusqaykiqa Diostaqa manam imananchu, maynataña huchallikuspaykipas paytaqa manam imanankichu.

Isaías 1:20

Mana kasuwaspaykichikmi ichaqa guerrawan tukusqa kankichik. Tayta Diosmi chaynata nin.

Isaías 1:24

Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Isaías 45:16

Idolokuna ruwaqkunaqa llapallankum hatun penqaypi tarikunqaku, uchuychaspa penqayman churasqam kanqaku.

Jeremías 15:9

Qanchis wawayuq warmikunam wañunayanqaku, almankumanmi nanay huntaykunqa, punchawpas paykunapaqqa tutayaymi kanqa, penqaypi kaspankum muspaypi hina rikurinqaku. Paykunamanta puchuqkunatam enemigonkuman guerrapi wañuchinanpaq qoykusaq. Ñoqa Tayta Diosmi chaynata nini.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 20:11

Dios Taytalláy, chaywanpas qamqa ñoqawanmi kachkanki, qari-qari soldado hinaraqmi ñoqawan kachkanki, chayraykum qatikachawaqniykunaqa urmarunqaku, manam venceyta atiwanqakuchu, imapas ruwasqanku mana allin lloqsiptinmi hatun penqaypi tarikunqaku, mana haykapipas qonqay atinankukamam penqaypi kanqaku.

Jeremías 22:22

Kamachiqnikikunam wayrapa apasqan kanqaku, waynaykikunam preso apasqa kanqaku; tukuy mana allinkuna ruwasqaykimantam penqaypi tarikuspa uchuychasqa kanki.

Jeremías 25:7

Tayta Diosmi kaynata nin: Qamkunam ichaqa mana kasuwaspa idolokuna ruwasqaykichikwan piñachiwarqankichik, chaykunaqa karqa kikikichikpa mana allinnikichikpaqmi, nispa.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 44:3

Chaynaqa, kachkanku mana allinkunata ruwasqankuraykum. Paykunam tukuy rikchaq idolokunata yupaychaspanku, inciensota kañapuspanku ñoqata piñachiwarqaku. Chay idolokunataqa manam paykunapas, qamkunapas nitaq ñawpaq taytaykichikkunapas reqsirqankichikchu.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Jeremías 9:19

Sión llaqtamantam qaparillawanña waqasqanku uyarikamuchkan, qaparillawanña waqaspa kayna nisqankum uyarikamuchkan: ¡Pasaypaq tuñisqam qeparunchik! ¡Hatun penqaypim rikurirunchik! Wasinchikkuna tuñichisqa kasqanraykum nacionninchikta saqesunchik.

Ezequiel 16:26

Vecinoyki Egipto runakunawanmi qanrakurqanki, chuchumika kaynikipi millakuypaq kaqkunata ruwaspam piñachiwarqanki.

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

Deuteronomio 32:16

Mana reqsisqanku dioskunata yupaychaspankum Tayta Diosta llakichispa piñachirqaku.