Jeremías 7:15 - CHUYA QELLQA La Biblia en Quechua de Ayacucho 2012

¹⁵ Castaykichik Efrainpa mirayninkuna qarqosqayta hinam, qamkunatapas qayllaymanta qarqosqaykichik.

Quechua Ayacucho Bible 1987

¹⁵ Castaykichik Efrainpa mirayninkuna qarqosqayta hinam qamkunatapas qayllaymanta qarqosqaykichik.’ ”

Chuya Qellqa 1992

¹⁵ Castaykichik Efrainpa mirayninkuna qarqosqayta hinam, qamkunatapas qayllaymanta qarqosqaykichik.

Jeremías 7:15 Iomraidhean Croise

2~Reyes 17:23

Chaymi Israelta Tayta Dios qayllanmanta wischururqa, serviqnin profetankunatakama willachisqanpi hina. Israel runakunam allpankumanta Asiria nacionman preso apasqa karqaku, kunankamapas chaypim kachkanku.

2~Reyes 24:20

Chayraykum Jerusalén llaqtapa chaynataq Judá nacionpa contranpi Tayta Dios piñakuruspan qayllanmanta wischururqa. Chaymantam rey Sedequiasqa Babilonia reypa contranpi hoqarikururqa.

2~Crónicas 15:9

Chaymantam huñururqa Judapi hinaspa Benjaminpi yachaqkunata, huñururqataqmi Efraín castamanta, Manasés castamanta hinaspa Simeón castamanta paykuna ukupi yachaqkunatapas. Achkaqmi Israel nacionmanta rey Asaman pasakurqaku, pasakurqakuqa paywan Tayta Dios kasqanta qawaykuspankum.

Isaías 7:16

Manaraqpas allin kaqta akllaspa mana allin kaqtañataq wischuyta yachachkaptinmi, chay manchakusqayki iskay reykunapa nacionninkuna chunnichisqa kanqa.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 23:33

Jeremías, sichum kay runakuna, llapa profetakuna otaq sacerdotekunapas tapusunkiman: ¿Imatataq Tayta Dios nisurqanki? nispanku, hinaptinqa paykunatam ninki, Tayta Diosmi kaynata nin: Qamkunaqa llasaq qepi hinam ñoqapaq kankichik, chayraykum saqerusqaykichik, nispa.

Jeremías 23:39

qamkunataqa qepita hina hoqariruspay wischurusqaykichik, wischurusaqtaqmi qamkunamanwan ñawpaq taytaykichikkunaman qosqay llaqtatapas.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Jeremías 52:3

Chayraykum Jerusalén llaqtapa chaynataq Judá nacionpa contranpi Tayta Dios piñakuruspan qayllanmanta wischururqa. Chaymantam Sedequiasqa Babilonia nacionpa reyninpa contranpi hoqarikururqa.

Jeremías 9:19

Sión llaqtamantam qaparillawanña waqasqanku uyarikamuchkan, qaparillawanña waqaspa kayna nisqankum uyarikamuchkan: ¡Pasaypaq tuñisqam qeparunchik! ¡Hatun penqaypim rikurirunchik! Wasinchikkuna tuñichisqa kasqanraykum nacionninchikta saqesunchik.

Ezequiel 23:31

Ñañaykipa kawsasqanman hinam kawsarqanki, chaymi payta imaynam castigasqayta hina castigasqayki, nispa.

Ezequiel 33:25

Chaynaqa, ñoqa Tayta Diospa nisqayta kaynata niy: Qamkunaqa aychatapas yawarnintintam mikuchkankichik, idolokunata yupaychaspaykichikmi runakunatapas wañuchichkankichik. ¿Chaykunata ruwachkaspachu kay allpa hapikuykuytaraq munachkankichik?

Oseas 1:4

Chaymi Oseasta Tayta Dios nirqa: Jezreelwan chay wawata sutichay, yawarta Jezreel llaqtapi chaqchusqanmantam rey Jehupa ayllunta chaylla castigasaq, chaynatam Israel nacionpa munaychakuyninta tukusaq.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 13:16

Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Oseas 7:13

¡Ay, imaynaraq kanqaku ñoqamanta karunchakuq runakuna! Contraypi hatarisqankuraykum puchukanqaku, libraykuyta munaptiypas paykunaqa contraypim llullallata rimanku.

Oseas 9:13

Efrainwan Tiroqa kaqkamallam, palmerakunapa pastokunapa chawpinpi sapinchasqam, ichaqa Efrainmi churinkunata wañuyman apanqa.

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Oseas 9:9

Gabaa llaqtapi ruwasqankuta hinaraqmi llumpayta huchallikurunkichik; Tayta Diosmi ichaqa mana allin ruwaynikichikta yuyaykuspan ñakarichisunkichik.

Jonás 2:4

Hinaptinmi qayllaykimanta wischuruwasqaykitaña piensarqani, chaywanpas huktawanmi temploykita qawaykusaq.

Números 1:32

Joseypa churinkunamantam: Efraín ayllumanta, tawa chunka waranqa pichqa pachaknin qarikuna. Manasés ayllumantañataq kimsa chunka iskayniyuq waranqa iskay pachaknin qarikuna.