Jeremías 7:10 - CHUYA QELLQA La Biblia en Quechua de Ayacucho 2012

¹⁰ ¿hamuwaqchikraqchu sapaqchakusqay wasiyman qayllaypi kanaykichikpaq? ¿Niwaqchikraqchu: Libreñam kaniku, nispaykichik? ¿Creenkichikchu chay millakuypaq kaqkuna ruwanaykichikpaq libre kasqaykichikta?

Quechua Ayacucho Bible 1987

¹⁰ ¿hamuwaqchikraqchu sutiywan sutichasqa kay wasiman chaynapi qayllaypi kanaykichikpaq hinaspapas niwaqchikraqchu: Libreñam kaniku, nispa? ¿Creenkichikchu chay millakuypaqkuna ruranaykichikpaq libre kasqaykichikta?

Chuya Qellqa 1992

¹⁰ ¿hamuwaqchikraqchu sapaqchakusqay wasiyman qayllaypi kanaykichikpaq? ¿Niwaqchikraqchu: Libreñam kaniku, nispaykichik? ¿Creenkichikchu chay millakuypaq kaqkuna ruwanaykichikpaq libre kasqaykichikta?

Jeremías 7:10 Iomraidhean Croise

1~Reyes 9:3

Hinaspanmi nirqa: Mañakuwasqaykitawan qayakuwasqaykitam uyariykuni. Kay templo ruwasqaykitam ñoqapaq sapaqcharuni chaypi wiñaypaq sutiyta reqsichinaypaq, sapa punchawmi nanachikuspay waqaychasaq.

2~Reyes 21:4

“Jerusalén llaqtapim sutiyta churasaq” nispa Tayta Dios nichkaptinpas Manasesqa Tayta Diospa templonpim altarkunata hatarirachirqa.

2~Crónicas 33:4

“Ñoqam sutiyta Jerusalén llaqtapi churasa” nispa Tayta Dios nichkaptinpas Manasesqa Tayta Diospa templonpim altarkunata ruwachirqa.

2~Crónicas 33:7

Tayta Diospa templonpipas kikinpa ruwasqan idolotam churarurqa. Chay templomantam Davidmanwan churin Salomonman Tayta Dios kaynata nirqa: Israelpi llapallan ayllukunamanta akllasqay Jerusalén llaqtapi kaq temploypim sutiyta wiñaypaq churasaq,

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Isaías 48:2

“Tayta Diospa sapaqchasqa llaqtanmi kaniku” niqkuna, Israelpa Tukuy Atiyniyuq Diosninpi hapipakuq tukuqkuna, kayta uyariychik:

Jeremías 32:34

Ñoqapaq sapaqchasqa temploytapas, millakuypaq idolokunata churaruspankum millakuypaqtaña ruwarunku.

Jeremías 34:15

Qamkunam ichaqa ñoqaman kutirikamuspa munasqayman hina allinta ruwarqankichik, castamasikichikmanta kaq esclavoykichikkunata libretaña kachaykuspaykichik. Chaynata ruwanaykichikpaqmi sapaqchasqa temploypi hinaspa ñoqapa qayllaypi contratota ruwarqankichik.

Jeremías 44:9

¿Qonqarunkichikñachu taytaykichikkunapa, Judá nacionpi reykunapa, reypa warminkunapa, qamkunapapas hinaspa warmikichikkunapas, Judá nacionpi chaynataq Jerusalén llaqtapa callenkunapi tukuy mana allin ruwasqaykichikta?

Jeremías 7:11

¿Suwakunapa machayninpaqchu kay sapaqchakusqay wasita hapinkichik? Ñoqaqa tukuy ima ruwasqaykichiktam qawachkani. Ñoqa Tayta Diosmi chaynata nini.

Jeremías 7:14

Chayraykum kay hapipakunaykichik templotapas, qamkunamanwan ñawpaq taytaykichikkunaman qosqay templotapas, Silo llaqtapi santuariota hina purmachisaq.

Jeremías 7:30

Tayta Diosmi kaynata nin: Judapa mirayninkunam mana munasqay kaqkunata ruwarunku. Ñoqapa temploypim millakuypaq idolokunata churarunku, chaykunawanmi qachacharunku.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.

Ezequiel 23:29

Paykunam cheqnikuyllawanña tukuy imata ruwasunki, llamkaspa ganakusqaykitapas qechususpaykim qalallataña saqerusunki. Chuchumika kaynikipi hukwan-hukwan kakusqayki cuerpoykitam llapallanman qawachinqaku. Huchapakuspa hukwan-hukwan qanrakusqaykimantam

Ezequiel 23:37

Paykunaqa pierdekuspam huchallikurqaku, runa wañuchisqankumantam yawar makintin kachkanku. Paykunaqa qepancharuwaspankum idolokunataña yupaycharqaku. Ñoqapaq wachakusqanku wawankunatapas idolokunamanñam ofrecespanku kañapurqaku.

Ezequiel 23:39

Idolokunapaq wawankuta wañuchisqanku punchawllapim hamuruspanku santuarioytapas millakuypaqtaña ruwarurqaku. Temploypipunim chaytaqa ruwarqaku.

Ezequiel 33:25

Chaynaqa, ñoqa Tayta Diospa nisqayta kaynata niy: Qamkunaqa aychatapas yawarnintintam mikuchkankichik, idolokunata yupaychaspaykichikmi runakunatapas wañuchichkankichik. ¿Chaykunata ruwachkaspachu kay allpa hapikuykuytaraq munachkankichik?

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Ezequiel 5:11

Ñoqa Tayta Diosmi kikiyrayku jurani: Qamkunam cheqnisqay idolokunawan temployta millakuypaqta ruwarqankichik, chayraykum qamkunatapas mana llakipayarispay ñakarichisqaykichik, manañam kuyapayasqaykichikñachu.

Daniel 9:18

Diosnilláy, kumuykamuspayá uyariykullaway, ñawillaykitapas kichariykuspayá ñakariyniykutawan sutiki hatunchanayku llaqtapa purmasqa kasqanta qawariykuy. Ñoqaykuqa manam mañakuchkaykiku allin ruwasqaykupi hapipakuspachu, aswanqa ancha llakipayakuq kasqaykipi hapipakuspam.

Oseas 6:9

Sacerdotekunapas wateqaq suwakuna hinam, Siquem llaqtaman rina ñanpi huñunakuruspam runakunata wañuchinku, paykunaqa penqaypaq kaqkunatam ruwanku.

Amós 4:5

Sapa tutapaytayá levadurayuq tantata kañapuychik, sapa kimsa punchawyá diezmoykichiktapas chayman astaychik, ofrendata apamunankupaqyá tukuy hinastinpi qayaykachakamuychik, aswan mastaraqyá huchallikuychik. Israelpa mirayninkuna, hucha ruwaytam qamkunaqa kuyankichik. Tayta Diosmi chaynata nin.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Malaquías 3:15

Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Juan 13:18

Manam llapallaykichikmantachu ñoqaqa rimachkani, reqsinim pikunam akllasqaytaqa. Qellqapa nisqanpi hina: “Mikuqmasiypas contraypim hatarirun” nisqanmi cumplikunan.

Juan 18:28

Caifaspa wasinmantam Jesusta pusarqaku gobernador Pilatopa pala-cionman. Achikyaramuptinmi judiokunaqa manaña palaciomanqa yaykurqakuchu. Chayman yaykuspaqa manañam Pascua carnerotaqa mikuyta atinmankuñachu karqa.