Jeremías 6:7 - CHUYA QELLQA La Biblia en Quechua de Ayacucho 2012

⁷ Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Quechua Ayacucho Bible 1987

⁷ Imaynam chiri yakuta pozo waqaychan, chaynam Jerusalenpas mana allinllata waqaychan. Daño rurayllañam chaypiqa uyarikuchkan. Ñakarichiyllañam chaypiqa uyarikuchkan. Chaypiqa qawachkani onqoqkunallatañam. Chaypiqa qawachkani heridasqa kaqkunallatañam.

Chuya Qellqa 1992

⁷ Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Jeremías 6:7 Iomraidhean Croise

Proverbios 4:23

Tukuy ima waqaychasqaykimantapas, aswanqa sonqoykitayá waqaychay, chaymantam imayna kawsaypas lloqsimun.

Isaías 1:6

Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Isaías 57:20

Mana allin ruwaq runakunam ichaqa sinchi wayrapa pukusqan lamar qocha hina, manam hawkalla kaytaqa atinkuchu, yakunkunapas mitutawan qachankunata wischumuq hinaraqmi.

Isaías 59:6

Chay awasqaykichik llikawanqa manam pipas pachataqa ruwanqachu, chaykunawanqa manam pipas pachakunqachu; qamkunapa ruwaynikichikqa ñakarichiyllam, makikichikwanpas ñakariyllatam hatarichinkichik.

Jeremías 20:8

Sapa kuti rimaspaymi qaparini: ¡Sasachakuymi hamuchkanña! ¡Tuñichisqa kaymi chayaramunña! nispay. Palabraykita willasqayraykum tukuy tiempo insultawaspa asipayawanku.

Jeremías 30:12

Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Jeremías 30:13

Nanachikusuqnikipas manam kanñachu, heridaykikuna hampiykuqpas manam kanñachu, onqoynikipas mana hampiy atinam.

Jeremías 30:15

¿Imanasqataq heridaykirayku qaparinki? Onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Jeremías 32:31

Kay llaqtaqa hatarichisqa kasqanmantapunim llumpay piñachiwaqniy llaqta karqa. Chayraykum qayllaymanta chinkachisaq.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Ezequiel 21:29

Paykunaqa revelacionta qawaspapas yanqakunallatam willakunku, profetizaspankupas llullatam rimanku. Chay millakuypaq mana allin runakunataqa espadam wañuchinqa, castigasqa kananku punchawmi hichpamuchkanña.

Ezequiel 24:7

Chay llaqtam yawarwan huntasqa kachkan, lluchka rumipa hawanpim yawarta chaqchurqa, manam allpapa hawanpichu chaynapi allpa tapaykunanpaq.

Ezequiel 45:9

Ñoqa Tayta Diosmi kaynata nini: Israel nacionpi kamachikuqkuna, amaña llaqtayta ñakarichiychikchu, nitaq allpankutapas qechuychikchu. Qamkunaqa ama pimanpas sayapakuspa allin arreglota ruwaychik. Amaña llaqtaypa allpanta suwakuychikchu. Ñoqa Tayta Diosmi chaynata nini.

Ezequiel 7:11

Mana allin ruwaymi mirakuchkan. Qamkunamantaqa manam chullapas puchunkichikchu, qori-qollqekichikwan tukuy ima kapuqnikichikpas manam puchunqachu. Qamkunamantaqa manam pipas waqanqachu.

Ezequiel 7:23

Huk cadenata ruway, kay llaqtapiqa wañuchinakuywan yawar chaqchuy hinaspa mana allin ruwanakuyllañam kakuchkan.

Sofonías 3:1

¡Imallapiraq rikukunqa! mana kasukuq huchapa intusqan ñakarichikuq llaqta.