Jeremías 6:29 - CHUYA QELLQA La Biblia en Quechua de Ayacucho 2012

²⁹ Fuelleswan pukuchispam ninapi metalta chulluchinku, mana allin ruwaq runakunam ichaqa chinkanankuta munaptinchikpas manan chinkanqachu.

Quechua Ayacucho Bible 1987

²⁹ Metalkuna chullunanpaqmi pukutyachina. Titita chulluchinapaqmi chaynata rurana. Chaynata ruraptiypas mana allin ruraqkunaqa manam chinkanchu. Runaykuna ukumantam paykunaqa mana chinkanchu.

Chuya Qellqa 1992

²⁹ Fuelleswan pukuchispam ninapi metalta chulluchinku, mana allin ruwaq runakunatam ichaqa chinkanankuta munaptinchikpas manam chinkanqachu.

Jeremías 6:29 Iomraidhean Croise

Proverbios 17:3

Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Isaías 49:4

Ñoqañataqmi nirqani: “Yanqapaqmi llamkarqani, mana imatapas haypanaypaqmi kallpayta usuchirqani”, nispay. Ichaqa ima ruwasqaypas Tayta Diospa makinpim kachkan, pagoypas paypa makinpim kachkan.

Jeremías 15:19

Chayraykum Tayta Dios niwarqa: Kutirikamuwaptikiqa huktawanmi chaskisqayki, hinaptinmi kaqllamanta serviwanki. Yanqakuna rimaymanta wanakuspa imam kaqllata rimaspaykiqa ñoqapa rantiypim rimanki. Paykunam qanmanqa kutirikamunanku, manam qamchu paykunamanqa kutirikunayki.

Jeremías 9:7

Tukuy Atiyniyuq Tayta Diosmi kaynata nin: Ruwasqaymanta mastaqa, ¿imataraqtaq runaykunawan ruwasaq? Qorita ninapi chulluchichkaq hinaraqmi paykunataqa chuyanchasaq.

Ezequiel 24:12

Ichaqa yanqapaqmi chay ruwasqaykipas, chay mankapa akarusqanqa manam ninawanpas lloqsinmanchu.

Ezequiel 24:13

Jerusalén llaqta, munasqaykipi purispa qachachakusqaykitam mayllaykuyta munarqayki, qanmi ichaqa mayllachikuyta mana munarqankichu. Mayllasqaqa kanki sinchi piñakuyniyta qanman kachaykamuptiyñam.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

1~Pedro 4:12

Kuyasqay wawqe-panillaykuna, tukuy rikchaq sasachakuykuna hamusuptikichikqa amayá hukmanyaruychikchu yaqa mana allinpas kanman hinaqa.

Jueces 17:4

Chay qollqeta Micaía kutiykachiptinmi, maman iskay kilo masnin qollqeta plateroman qoykurqa llaqllaspa chaynataq chulluchispa ruwasqa idolokunata ruwananpaq; chay idolokunatam Micaiapa wasinman churarqaku.