Jeremías 6:23 - CHUYA QELLQA La Biblia en Quechua de Ayacucho 2012

²³ Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Quechua Ayacucho Bible 1987

²³ Flechanankutam lanzakunatawan apamunqaku. Pasaypaq mana llakipayakuq cruel runakunam kanqaku. Lamar qocha hinaraqmi qaparinqaku. Caballokunapi sillasqam chaylla sayanqaku. Sion Moqopi llaqtapa contranpi peleanankupaqmi chaylla sayanqaku.

Chuya Qellqa 1992

²³ Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Jeremías 6:23 Iomraidhean Croise

Isaías 10:32

Kunanpunim enemigoqa Nob llaqtapi samaykun, Sión llaqtatawan Jerusalenta atacananpaqmi makinta hoqariykun.

Isaías 13:18

Jovenkunatapas flechawanmi wañuchinqaku, llullu wawakunatapas manam kuyapayanqakuchu, warmakunatapas manam llakipayanqakuchu.

Isaías 17:12

Achka llaqtakunapa chaqwakuyninmi uyarikun, lamar qochapa qapariynin hinaraq. Achka runakunapa qapariyninmi uyarikun, nana-nanaq lloqllapa kunrururuynin hinaraq.

Isaías 19:4

Egipto llaqtatam hapiykachisaq, mana llakipayakuq, mana kuyapayakuq reymanña, ñakarichispa paykunapi munaychakunanpaq, nispa. Tukuy Atiyniyuq Tayta Diosmi chaynata nin.

Jeremías 25:32

Tukuy Atiyniyuq Tayta Diosmi kaynata nin: Sasachakuyqa llaqtan-llaqtanmi qatinakamunqa, sinchi wayra hinaraqmi kay pachapa cantonmanta hatarimunqa.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 30:14

Waynaykikunapas qonqarusunkiñam, manañam yuyasunkiñachu, enemigoyki hinam ñakarichirqayki, huchaykikuna llumpay kasqanraykum llumpayta ñakarichirqayki.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 4:16

Nacionkunaman willamuychik, Jerusalén llaqtaman nimuychik: Llaqtakuna atacaqmi karu nacionmantaraq hamuchkanku, Judá nacionpi llaqtakunapa contranpim qaparichkanku.

Jeremías 4:29

Silladakunapa qapariyninwanmi, flechaqkunapa qapariyninwanmi, llaqta runakuna lluptikunku; montekunamanmi yaykunku, qaqakunamanmi qespinku. Llaqtakunam manaña runayuq qeparun, chaypiqa manañam pipas yachanñachu.

Jeremías 5:16

Llapallankum allinnin qari-qari soldadokuna, armankupas wañuchiq armakunam.

Jeremías 50:41

Norte lawmantam huk nación hamuchkan, huk hatun nacionpa tropanmi hamuchkan, kay pachapa cantonmantam achkallaña reykuna hatarimuchkan.

Jeremías 50:42

Flechana arcokunawan lanzakunawan armasqam hamuchkanku, pasaypaq mana llakipayakuq runakunam hamuchkanku, Lamar qocha hinaraqmi qaparinkupas, Caballopi silladam hamuchkanku, Babiloniata atacanankupaqmi hamuchkanku.

Jeremías 6:4

Enemigonkunam kaynata qaparichkanku: ¡Alistakuychik paypa contranpi peleananchikpaq! ¡Hatariychik chawpi punchawta atacananchikpaq! Intipas seqaykuchkanñam, tutayaypas hawanchikpiñam.

Jeremías 8:16

Caballonkunapa samatyasqanpas Danpa allpanmantaraqmi uyarikuchkan, caballokunapa weqeqeqeyninwanmi allpapas katkatatachkan, llaqtatawan tukuy imankunata tuñichiqmi hamuchkan, chaypi yachaqkunata wañuchiqmi hamuchkan, nispanku.

Ezequiel 21:31

Qampa hawaykimanmi piñakuyniyta kachaykamusaq, hawaykipim piñakuyniyta ninata hinaraq ratarirachisaq; mana allinkuna ruwaq runakunapa makinmanmi qoykusqayki, chinkachikuq runakunapa makinmanmi qoykusqayki.

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.