Jeremías 6:20 - CHUYA QELLQA La Biblia en Quechua de Ayacucho 2012

²⁰ ¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? Lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Quechua Ayacucho Bible 1987

²⁰ ¿Imanasaqtaq Saba nacionmanta apamusqaykichik inciensotaqa? ¿Imanasaqtaq karu nacionmantaraq apamusqaykichik especeriataqa? Lliwta kañapuwasqaykichik animalkunataqa manañam munanichu. Wakin ofrendakunatapas manañam munanichu.

Chuya Qellqa 1992

²⁰ ¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Jeremías 6:20 Iomraidhean Croise

2~Samuel 15:12

Sacrificiota Diosman ofrecechkaspanmi Absalonqa qayachimurqa Davidpa consejaqnin Gilo llaqtapi yachaq Ahitofelta. Chaynapim reypa contranpi kaqkuna astawan miraspanku Absalonta qatirqaku.

1~Reyes 10:10

Hinaspam Salomonman qorqa kimsa waranqa isqon pachak soqta chunka kilo qorita, miski asnaq achka perfumekunata chaynataq alhaja rumikunatapas. Sabá nación reinapa nana-nanaq miski asnaq perfumekuna apamusqanta hinaqa manam pipas Salomonmanqa apamurqakuchu.

Éxodo 30:23

Kay miski asnaq qorakunatam huñunki: Mirra sachapa weqenmanta yaqa soqta kilota, canelamanta yaqa kimsa kilota, cálamo sutiyuq plantamantañataq yaqa kimsa kilota,

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Isaías 1:11

Tayta Diosmi nin: ¿Imapaqtaq valen achkallaña animalkuna wañuchipuwasqaykichik? Amiruniñam carnerokunapa malta torokunapa wiran kañapuwasqaykichiktapas, carnerokunapa chivatokunapa yawarnin chaqchusqaykichiktapas millakuruniñam.

Isaías 60:6

Madián lawmantawan Efa lawmantam achkallaña camellokuna huntaykamusunki. Sabá lawmantapas qoritawan inciensotam apamusunki, Tayta Diostam tukuy ruwasqankunamanta hatunchanqaku.

Isaías 66:3

Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.

Ezequiel 27:22

Sabá lawmanta chaynataq Raama lawmanta negociantekunapas rantisuspaykim, miski asnaq perfumekunawan, qoriwan, kuyayllapaq alhaja rumikunawan pagasuq kanki.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:4

Tayta Diosmanqa vino ofrendatapas manañam tallinqakuñachu, sacrificio kañasqankupas millakuypaqmi kanqa, ñakariy tantatam mikunqakupas, pipas chayta mikuqqa millakuypaqmi kanqa, kawsanallankupaqñam mikunqakupas, chay mikuyta Tayta Diosman ofreceptinkupas manam chaskinqachu.

Malaquías 1:10

¡Ima allinraq kanman templopa punkunta hukkaqnikichik wichqaruptinqa, chaynapi amaña pipas yanqapaq altarniypi ninata ratachinanpaq! Manañam qamkunawanqa kusisqañachu kani, nitaqmi ofrendaykichiktapas chaskisqaykichikñachu.