Jeremías 6:19 - CHUYA QELLQA La Biblia en Quechua de Ayacucho 2012

¹⁹ Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Quechua Ayacucho Bible 1987

¹⁹ Yaw allpa pacha, uyariy qampas. Testigo hina uyariy qampas. Ñoqaqa runaykunamanmi kachamusaq castigota. Mana allinkuna piensasqankumantam apachimusaq castigota. Palabraykunataqa manam atienderqakuchu. Yachachisqaykunataqa manam kasukurqakuchu.

Chuya Qellqa 1992

¹⁹ Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Jeremías 6:19 Iomraidhean Croise

Proverbios 15:26

Tayta Diosqa millakunmi mana allin runakunapa tanteasqantaqa, sumaq rimaykunawanmi ichaqa kusikun.

Proverbios 28:9

Sichum pipas, Diospa kamachikuyninta mana kasukuptinqa, Tayta Diospas manam mañakuyninta uyarinqachu.

Isaías 1:2

Cielokuna uyariychik, kay pacha qampas uyariy, Tayta Diosmi kaynata nin: Warmakunatam hatunyanankama uywarqani, paykunam ichaqa contraypi hatarirunku.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Isaías 66:18

Ñoqaqa yachanim mana allinkuna ruwasqankuta, hinaspa yuyaymanasqankutapas. Chayraykum hamuspay llapa nacionkunata huñusaq, tukuy rikchaq rimayniyuq runakunatam huñusaq, paykunam hamuspa atiyniyta qawanqaku.

Jeremías 11:11

Chayraykum ñoqa Tayta Dios kaynata nini: Paykunamanmi hatun sasachakuyta chayachimusaq, chaymantaqa manam lluptinqakuchu. Yanapanaypaq qayakamuwaptinkupas manam uyarisaqchu.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 19:15

Israelpa yupaychasqan Tukuy Atiyniyuq Tayta Diosmi kaynata nin: Sonqoykichikta rumiyarachispa nisqaykunata mana kasukusqaykichikraykum, kay llaqtapa chaynataq muyuriqninpi llaqtakunapa contranpi rimasqay sasachakuykunata kachamusaq, nispa.

Jeremías 19:3

kaynata nimunki: Judá nacionpi reykuna, Jerusalén llaqtapi yachaqkuna, Tukuy Atiyniyuq Tayta Diospa nisqanta uyariychik: Israelpa yupaychasqan Tayta Diosmi kayna nin: Kay sitiopa contranpim hatun castigota kacharimusaq, pipas chayta uyariqkunaqa muspaypi hinaraqmi rikurinqaku.

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 22:29

¡Kay pachapi llapallan runakuna, Tayta Diospa nisqanta uyariychik!

Jeremías 29:19

Chaynataqa ruwasaq, profetaykunawan ñataq-ñataq willachisqaykunata mana kasukusqankuraykum, ñoqa Tayta Diosmi chaynata nini.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Jeremías 4:16

Nacionkunaman willamuychik, Jerusalén llaqtaman nimuychik: Llaqtakuna atacaqmi karu nacionmantaraq hamuchkanku, Judá nacionpi llaqtakunapa contranpim qaparichkanku.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 49:37

Ñoqa Tayta Diosmi kaynata nini: Wañuchiy munaq enemigonkupa qayllanpim Elam nacionta katkatatachisaq, chay nacionpa contranpim sasachakuytawan ñakariyta kachamusaq, pasaypaqta tukunaykamam guerrata kacharimusaq.

Jeremías 6:10

Chaymi nirqani: ¿Pitataq rimapayasaq? ¿Pimantaq willasaq? ¿Pitaq uyariwanman? Rinrinkum tapasqa kachkan, chayraykum paykunaqa uyariyta mana atinkuchu; palabraykimantapas penqakunkum, chayraykum mana uyariyta munankuchu.

Jeremías 6:18

Chayraykum Tayta Dios kaynata nin: Nacionkuna uyariychik llaqtayta iman pasananta yachaychik.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Oseas 10:13

Qamkunam ichaqa mana allinllata tarpuchkankichik, mana allinllata cosechaspam llullakuynikichikpa rurunta mikuchkankichik. Qamkunaqa tropaykichikpa kallpanpim hapipakunkichik.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Miqueas 1:2

Kay pachapi llaqtakuna uyariychik, kay nacionpi runakuna uyariychik. Tayta Diosyá, Tukuy Atiyniyuq Señoryá, chuya templonmantapuni contraykichikpi testigo kachun.

Miqueas 6:2

Orqokuna, kay pachapa cimientonkuna uyariychik, Tayta Diosmi llaqtanwan quejaman yaykurun, Israelpa contranpim juiciota kichaykun.

Juan 12:48

Pipas ñoqata wischupakuwaspa palabraykunata ma-na chaskiqpaqqa ñam juzgaqnin kach-kanña, ñoqapa palabraykunam paytaqa tukupay punchawpi juzganqa.

Hechos 8:22

Mana allin ruwaynikikunamantayá wanakuy, hinaspayá Diosta mañakuy, icharaqpas sonqoykipi chay mana allin piensasqaykita pampachasunkiman.

Deuteronomio 30:19

Chaynaqa, cielokunatawan kay pachatam qamkunapa contraykichikpi testigota churani, kawsayta otaq wañuyta, bendecisqa kayta otaq ñakasqa kayta akllakunaykichikpaq qamkunaman nisqaymanta. Chaynaqa, kawsaytayá akllakuychik, qamkunapas miraynikichikkunapas kawsanaykichikpaq.

Deuteronomio 32:1

¡Cielokuna, rimarisqayta uyariychik! ¡Kay pacha, rimarisqayta uyariy!

Deuteronomio 4:26

Kunanmi cielotawan kay pachata testigopaq churani, sichum chayta ruwaspaykichikqa Jordán mayupa waklaw chimpanpi yachanaykichik allpamantam chinkachisqa kankichik. Manam unaychu chaypiqa kankichikpas, aswanqa chinkachisqapunim kankichik.

1~Samuel 15:23

Layqanakuy hucha hinam Diospa contranpi sayariyqa, idolokunata yupaychay hucha hinam mana kasukuyqa. Chaynaqa, Tayta Diospa Chuya siminta mana kasukusqaykiraykum rey kaynikimanta qarqosunki.

1~Samuel 15:26

Samuelñataqmi nirqa: Manam qanwanqa kutiymanchu. Qamqa Tayta Diospa kamachisusqaykitam yanqacharqanki, chaymi paypas Israel runakunapa reynin kaynikimanta qarqorusunki, nispa.