Jeremías 6:17 - CHUYA QELLQA La Biblia en Quechua de Ayacucho 2012

¹⁷ Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Quechua Ayacucho Bible 1987

¹⁷ Tayta Diosqa nintaqmi: Churarqanim llaqta cuidaqkunata —nispa Kasukuychik cornetapa waqasqanta —nispa Ichaqa paykunam nirqaku: Manam kasukuymankuchu —nispanku.

Chuya Qellqa 1992

¹⁷ Tayta Diosmi llaqta waqaychaqkunata churaspan runankunata nirqa: Trompeta waqamuptin uyarinaykichikpaqmi uyan-uyanlla kankichik, nispa. Paykunam ichaqa nirqaku: Manam ñoqaykuqa uyarisaqkuchu, nispanku.

Jeremías 6:17 Iomraidhean Croise

Isaías 21:11

Duma llaqtapa contranpim nirqa: Seir orqomantam hukkaqnin kaynata qayamuwachkan: ¡Yaw, llaqta cuidaq! ¿Yaqañachu achikyaramunqaña? ¡Yaw, llaqta cuidaq! ¿Yaqañachu achikyaramunqaña? nispa.

Isaías 56:10

Llaqtay nanachikuqkunaqa ñawsakunam, mana imallatapas yachaqkunam, llapallankupas mana rimariq allqokunam, mana anyakuy atiq allqokunam, wischurayaspa puñuywan arwitakuqkunam, puñukuylla kuyaqkunam.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Isaías 62:6

Jerusalén llaqta, murallaykipa hawanpim cuidasuqnikikunata churaruni, paykunaqa tuta punchawmi mana upallaykuspa ninqaku: “Tayta Diosta qayakuqkuna ama upallaychikchu,

Jeremías 18:12

Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 25:4

Tayta Diosqa serviq-nin profetakunatam mana tukuyta kachamusurqankichik, ichaqa manam kasurqankichikchu, nitaqmi uyariytapas munarqankichikchu.

Jeremías 6:18

Chayraykum Tayta Dios kaynata nin: Nacionkuna uyariychik llaqtayta iman pasananta yachaychik.

Jeremías 7:28

Chaynaqa, kaynatayá nimuy: Kay nacionpi runakunaqa Diosninkupa nisqanta mana kasukuq runakunam, mana corregikuy munaq runakunam. Cheqap rimaymi siminkumanta chinkarun, nispa.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Ezequiel 3:7

Israelpa mirayninkunam ichaqa mana uyarisunkichu, chaynaqa kanqaku ñoqatapas mana kasuwasqankuraykum. Israelpa mirayninkunaqa mana kasukuq rumi sonqo runakunam.

Oseas 8:1

Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Habacuc 2:1

Llaqta waqaychaq hinam uyan-uyanlla maymi kasqaypi suyallasaq, mañakuyniyta uyariykuwaspa Tayta Diospa imam niwasqanta uyarinaypaq.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.

Hebreos 13:17

Michiqnikichikta kasukuspa paykunaman sujetakuychik. Paykunam almaykichikmanta nanachikunku, hi-naspam Diosman cuentata qonqaku. Kasukuptikichikqa mana hukmanyaspam kusisqalla pusasunkichik, mana chayqa manam allinnikichikpaqchu kanman.