Jeremías 6:16 - CHUYA QELLQA La Biblia en Quechua de Ayacucho 2012

¹⁶ Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Quechua Ayacucho Bible 1987

¹⁶ Tayta Diosmi nin runankunata: Ñankunapi sayaykuspayá qawariychik. Ñawpaq ñankunamantayá tapurikuychik. Allin ñanmantayá tapurikuychik, hinaspayá chayninta puriychik. Chaynata ruraspaqa samaytam tarinkichik. Aswanqa paykunam ninku: “Manam puriymankuchu” nispanku.

Chuya Qellqa 1992

¹⁶ Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Jeremías 6:16 Iomraidhean Croise

1~Reyes 8:36

qanmi hanaq pacha-manta uyariykamuspa, Israel llaqtaykipa huchankunata pampachanki, munasqaykiman hina kawsanankupaq yachachispaykim parata kacharimunki, runaykikunaman herencia qosqayki allpaman.

2~Crónicas 19:11

Sumo sacerdote Amariasmi Tayta Diospa kamachikuyninkunata yachachisunkichik, Judá ayllupa kamachiqnin Ismaelpa churin Zebadiasmi reypa kaqninkunapi kamachisunkichik, levitakunañataqmi kanqa yanapasuqnikichik. Chaynaqa, ¡kallpanchakuspayá llamkayta qallariychik! ¡Tayta Diosyá allin ruwaqkunawan kachun! nispa.

Isaías 2:5

Jacobpa mirayninkuna hakuchik, Tayta Diospa kanchayninpiña purisunchik.

Isaías 28:12

Paykunataqa ñawpaqmantaraqmi nirqa: Hawkayayqa kaypim kachkan, samariypas kaypim kachkan, pisipasqayá samarichun nichkaptinpas manam kasukurqakuchu.

Isaías 30:21

Hinaspapas rinrikichikwanmi uyarinki qepaykimanta kayna rimapayakuyta: Kaymi allin ñan, chayninta puriychik, amayá alleqmanpas nitaq ichoqmanpas muyuychikchu, niqta.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 57:2

Paykunaqa hawka kaymanmi yaykurunku, sepulturankupim hawkaña samarunku.

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Jeremías 12:16

Paykunam llaqtayta yachachirqaku Baal idolorayku juranankupaq. Sichum runaykuna hinaña kawsayta yachaspanku ñoqa Tayta Diospa sutiypi juraspa ninqaku: “Kawsaq Diosraykum jurani” nispanku, hinaspaqa runaykuna ukupim yachanqaku.

Jeremías 18:12

Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 2:25

Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas, qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Jeremías 22:21

Tukuy imayuq kaspa hawka kachkaptikim rimapayarqayki, ichaqa manam uyariwarqankichu. Qamqa warma kasqaykimantapunim ima nisqaytapas mana kasuwarqankichu.

Jeremías 31:21

Ancha kuyasqay Israel llaqtalláy, ñanpiyá señalkunata churay, ñanta chaylla tariykuspa kutimunaykipaq; mayninmi risqaykitayá sumaqta qawariy. ¡Israel, kutimuy, llaqtaykikunaman kutimuy!

Jeremías 42:3

Yupaychasqayki Tayta Diosyá niykuwachunku maymanmi rinaykutapas chaynataq imam ruwanaykutapas, nispanku.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.

Jeremías 7:23

Paykunataqa kaynatam nirqani: Nisqaykunata kasu-kuptikichikqa ñoqam Diosnikichik ka-saq qamkunañataqmi llaqtay kanki-chik, nisqaykunaman hinayá kawsaychik, chaynapi ima ruwasqaykichikpas allin kananpaq.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Jeremías 7:3

Israelpa yupaychasqan Tukuy Atiyniyuq Tayta Diosmi kaynata nin: Kawsaynikichikta allichaspa allinta ruwaptikichikqa kay allpapim kawsachisqaykichik.

Malaquías 4:4

Serviqniy Moisesman Horeb orqopi kamachikuyniykuna qosqaytayá yuyariychik. Chaykunam karqa kama-chikuyniykunawan yachachikuyniy-kuna Israel castakuna kasukunan-kupaq.

Lucas 16:29

Hinaptinmi Abrahamñataq nirqa: “Chaypaqmi Moisespa hinaspa profetakunapa qellqanta hatallinku, chaytayá kasukuchunku”, nispa.

Juan 12:35

Jesusñataqmi nirqa: Achkiyqa as punchawllapas qamkuna-wanraqmi kanqa, chaynaqa achkiypiyá puriychik qamkunawanraq kachkap-tiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Juan 13:17

Kaykunata entienderuspa ruwaspaykichikqa kusisqam kankichik.

Juan 5:39

Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Hechos 17:11

Chay Berea llaqtapi kaq judiokunaqa Tesalonicapi kaqkunamantapas allin yuyayniyuq runakunam karqaku. Paykunam kusikuyllawanña Diospa palabranta uyarispanku Chuya Qellqata sapa punchaw allinta qatiparqaku, cheqap kasqanta otaq mana cheqap kasqanta yachanankupaq.

Romanos 4:12

Arí, Abrahamqa señalasqa judiokunapapas taytanmi, manataqmi haykam señalasqakunallapaqchu, aswanqa haykam taytanchik Abrahampa manaraq señalachikuchkaspa iñiynin qatiqkunapapas taytanmi.

Deuteronomio 32:7

Ñawpaq tiempokunamanta yuyariychik, ñawpaq watakunapi achka miraykunamanta yuyariychik, ñawpaq taytaykichikkunata tapurikuychik, paykunam willasunkichik. Yuyaqkunata tapurikuychik, paykunam nisunkichik.

Colosenses 2:6

Chaynaqa, Señorninchik Cristo Jesusta chaskisqaykichikman hinayá payman hapipakuspa allinta kawsaychik.

Hebreos 11:2

Iñiyllankuwanmi ñawpaq taytanchikkunapas Diospa allinpaq hapisqan karqaku.

Hebreos 6:12

Amayá qellaqa kaychikchu, aswanqa iñiywan hinaspa pacienciawanyá Diospa promesan chaskiqkunapa ruwasqanta hina ruwaychik.

Jueces 2:17

Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku.