Jeremías 6:15 - CHUYA QELLQA La Biblia en Quechua de Ayacucho 2012

¹⁵ Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Quechua Ayacucho Bible 1987

¹⁵ Millakusqaykunata rurasqankumantaqa penqakunanku kachkaptinpas manam penqakunkuchu. Penqakuytaqa manam yachankuchu. Chayraykum ñoqa Tayta Dios nini: Paykunata castigasqay tiempopim wañunqaku. Wañuchisqakunawan kuskam wañusqa wichinqaku.

Chuya Qellqa 1992

¹⁵ Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 6:15 Iomraidhean Croise

Génesis 19:34

Paqarinnintinñataqmi sullkanta piwi kaq nirqa: Chisi tutam taytanchikwan puñururqani, chaynaqa kunanpas huktawanyá sinkarachisun, qamñataq paywan puñunaykipaq, chaynapi taytanchikpa miraynin mana qollurunanpaq, nispa.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 3:9

Qara uya kayninkum paykunataqa acusachkan, Sodoma llaqtapa hinam huchanku sutillata qawakuchkan. ¡Imaynaraq kanqaku! Kikillankum sasachakuykunata maskakurunku.

Jeremías 14:15

Chayna-qa, ñoqa Tayta Diosmi chay profetakunamanta kaynata nini: Mana kamachichkaptiy sutiypi willakuspa “guerrapas yarqaypas manam kanqachu” niq profetakunaqa guerrapiwan yarqaypim wañunqaku.

Jeremías 18:23

Dios Taytalláy, qamqa yachankim wañuchiwanankupaq tukuy ima rimanakusqankutapas, mana allinkunata ruwaspa qayllaykipi huchallikusqankutaqa amayá pampachaychu, qayllaykimanta paykunata wichichiy, piñakuynikiwan castigay.

Jeremías 23:12

Chayraykum paykunapa kawsayninqa tutayaypi lluchka ñan hina kanqa, tanqasqa kaspankum chayman wichiykunqaku, castiganay punchawpim ñakariyta paykunaman apamusaq. Ñoqa Tayta Diosmi chaynata nini.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 44:10

Mana allinkuna ruwasqaykichikmantaqa kunankamapas manam wanakunkichikraqchu, nitaqmi manchakunkichikpaschu; kawsankichikpas manam taytaykichikkunaman chaynataq qamkunaman qosqay kamachikuyniykunaman hinaspa yachachikuyniykunaman hinachu.

Jeremías 5:29

¿Manachu chaykuna ruwasqankumanta castigasaq? ¿Manachu chayna nacionmanta vengakusaq? Ñoqa Tayta Diosmi chaynata nini.

Jeremías 5:9

Tayta Diosmi kaynata nin: ¿Manachu chaykuna ruwasqanmanta castigasaq? ¿Manachu chayna llaqtaman merecesqanta qopusaq?

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Ezequiel 13:14

Chaynatam chay estucowan llusisqaykichik perqata tuñichisaq, cimientonpas rikurinankamam pampaman wikaparusaq. Chay tuñisqa perqakunapa chawpinpim qamkunapas wañunkichik. Chaynapim Tayta Dios kasqayta yachankichik.

Ezequiel 2:4

Ñoqaqa kachachkayki mana kasukuq rumi sonqo runakunamanmi. Paykunamanmi ñoqa Tayta Diospa imam nisqayta nimunki.

Ezequiel 24:7

Chay llaqtam yawarwan huntasqa kachkan, lluchka rumipa hawanpim yawarta chaqchurqa, manam allpapa hawanpichu chaynapi allpa tapaykunanpaq.

Oseas 4:5

Tuta punchawmi huchallikunkichik, profetakunatapas huchamanmi tanqaykunkichik, chayraykum mamaykichikta wañurachisaq.

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Miqueas 3:6

Chayraykum profeciapas mana kanqañachu, revelación chaskiypas tukurunqañam. Paykunamantaqa intipas pakakunqam, paykunapaqqa punchawpas kanqa tutayaymi.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.

Sofonías 2:1

Mana penqakuq runakuna, huñunakuspa yuyaymanaychik,

Sofonías 3:5

Tayta Diosmi ichaqa chawpinkupi allinllata ruwan, mana allintaqa manam ruwanchu, Payqa sapa achikyaqtam kamachikuyninkunata rimarin. Mana allin runam ichaqa mana penqakuq qara uya.

Zacarías 13:4

Chay tiempopiqa profetakunapas llullata willakusqankumantam penqakunqaku. Manañam pipas profetapa qaramanta capanwan churakuykuspaqa runamasinta engañanqañachu.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.