Jeremías 6:12 - CHUYA QELLQA La Biblia en Quechua de Ayacucho 2012

¹² Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Quechua Ayacucho Bible 1987

¹² Ancha yuyaq machuchakunatam presochanqaku. Wasinkupas, chakrantinmi hukpaqña kanqa. Paykunapa warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Chuya Qellqa 1992

¹² Wasinkuwan chakrankupas hukpaqñam kanqa, warminkupas hukpaqñam kanqa. Kay nacionpi yachaqkunata castigaptiymi chaynaqa kanqa.

Jeremías 6:12 Iomraidhean Croise

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 5:25

Chayraykum Diosqa llaqtanpaq llumpayta piñakurqa, makinwanmi wañuyman qaraykurqa, chay ruwasqanwanqa orqokunapas katkatatarqam, ayakunapas callekunapim chuta-chuta mana pipa hoqarisqan karqa. Chaywanpas Señorpa piñakuyninqa manam taninchu, chayllam kachkan castigananpaq.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Isaías 9:21

Manasesmi Efrainta tuñichin Efrainñataqmi Manasesta wichichin, iskayninñataqmi Judá ayllupa contrapi hatarinku. Chaywanpas Diosqa, hinallam atiyninwan castigananpaq kachkan.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 21:5

Kikiypunim qamkunapa contraykichikpi, hatun atiyniywan hinaspa nina hina manchakuypaq piñakuyniywan peleasaq.

Jeremías 38:22

Judá nacionpi reypa palacionpi puchuq warmikunam Babilonia nación reypa capitanninkunaman qosqa kanqaku, hinaspam chay warmikuna ninqaku: Hapipakusqayki amigollaykikunam engañaruspa rantikurusunki, mitupi chinkaykuchkaqta saqerususpaykim lliw qepanchakurusunki, nispanku.

Jeremías 38:23

Llapallan warmikikunatawan churi-kikunatam Caldea runakunaman qoykunqaku. Qampas manam lluptinkichu paykunamantaqa. Babilonia nacionpa reyninmi presocharususpayki kay llaqtatapas kañaykunqa, nispa.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Lamentaciones 2:8

Tayta Diosmi tantearurqa, Sionpa perqankuna tuñichiyta, chay tanteasqantam mana samaykuspa ruwarun, llaqtapa uku lawninpi perqankunatam tuñirachin, llaqtapa hawa lawninpi perqankunatam purmarachin.

Lamentaciones 3:3

Sapa kutillam makinwan castigawarqa.

Lamentaciones 5:11

Sión llaqtapi warmikunatam abusarqaku, Judá nacionpi sipaskunatam abusarqaku.

Lamentaciones 5:2

Tukuy imayku kaqpas huklaw llaqtayuqkunapa makinpiñam, wasiykupas mana reqsisqayku runakunapañam.

Lamentaciones 5:3

Mana taytayuqñam rikuriruniku, mamaykupas warmisapañam rikurirun.

Ezequiel 35:3

Seir orqo, contraykipim kachkani, atiyniywanmi castigasqayki, purmarachispaymi chunnirachisqayki.

Ezequiel 7:24

Huklaw nacionkunamantam mana allin runakunata pusamusaq, hinaptinmi llaqtapi wasikunatapas paykunaña hapikuykunqaku. Chaynatam atiyniyuqkunapa hatun tukuyninta tukusaq, santuarionkupas millakuypaq ruwasqam kanqa.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Sofonías 1:13

Chayraykum kapuqninkupas suwasqa kanqa, wasinkuñataqmi purmanqa. Wasi ruwasqankupipas manam yachanqakuchu, uvas tarpusqankupa vinontapas manam upyanqakuchu, nispa.

Sofonías 1:4

Judá nacionpi runakunapa contranpim, Jerusalenpi yachaqkunapa contranpim, makiyta hoqarisaq. Kay sitiomantam Baal sutiyuq idolota yupaychaqnin sacerdotekunatawan kuskata pasaypaqta chinkachisaq.