Jeremías 6:11 - CHUYA QELLQA La Biblia en Quechua de Ayacucho 2012

¹¹ Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Quechua Ayacucho Bible 1987

¹¹ Dios Taytalláy, qampa rabiakuynikiwanmi rabiasqa kachkani. Manaña aguantay atiqmi kachkani. Chaymi Tayta Dios niwarqa: Callepi warmakunamanyá maqchichkaq hina rabiakuyniymanta willakamuy. Huñunasqa mozokunamanyá maqchichkaq hina rabiakuyniymanta willakamuy. Qosakunatam warmintinta presochanqaku.

Chuya Qellqa 1992

¹¹ Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Jeremías 6:11 Iomraidhean Croise

Isaías 40:30

Jovenkunam pisipaspa wañunayanku, kallpasapakunam hukmanyaspa wichinku.

Jeremías 15:17

Aychan kusichiqkunawanqa manam hukllawakurqanichu, akllawasqayki punchawmantam sapallayña karqani, piñakuynikiwan huntaykuwasqaykimantam mana piwanpas hukllawakurqanichu.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 18:21

Chaynaqa, churinkunatayá yarqaymanta wañuchiy, espadawanyá paykunata wañuchiy; warminkupas viudayaspa manaña wawayuq qepachun. Qosankutapas peste onqoy wañuchichun, jovenkunapas guerrapi wañuchunku.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jeremías 5:9

Tayta Diosmi kaynata nin: ¿Manachu chaykuna ruwasqanmanta castigasaq? ¿Manachu chayna llaqtaman merecesqanta qopusaq?

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Jeremías 9:21

Wañuymi wasinchikman yaykuramun, wañuymi palacionchikkunaman chayaramun; warmakunatam callekunapi wañuchichkan, jovenkunatam plazakunapi wañuchichkan.

Lamentaciones 1:15

Señormi wischururqa qari-qari soldadoykunata, akllasqa jovenniykunata tukurunanpaqmi tropakunata contraypi huñuramurqa, Señorqa uchkupi uvasta saruchkaq hinam Judá nacionpi sipaskunatapas saruparurqa.

Lamentaciones 2:21

Warmakunawan yuyaqkunam callekunapi wischurayachkanku, jovenkunawan sipaskunam espadapi wañurunku, piñakusqayki punchawpim wañurachinki, mana llakipayarispam wañurachinki.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Ezequiel 3:3

hinaspam kaynata niwarqa: Runapa churin, saksanaykikama kay qosqay rollota mikuy, nispa. Mikuruptiymi abejapa miskin hinaraq simiypi karqa.

Ezequiel 9:6

Ama hukllatapas puchuykuspam yuyaqkunatapas, jovenkunatapas, sipaskunatapas, wawakunatapas hinaspa warmikunatapas wañuchimunkichik; urkunpi señalniyuq kaqkunatam ichaqa ama imanankichikchu. Temploypi kaqkunamantam wañuchiytaqa qallaykunkichik, nispa. Chaymi templopa ñawpaqninpi kaq ancianokunamanta wañuchiyta qallay-kurqaku.

Miqueas 3:8

Ñoqam ichaqa Tayta Diospa Espiritunwan, allin ruwayninwan, chaynataq atiyninwan huntasqa kachkani, Jacobpa mana kasukuyninta qawachinaypaq, Israelta huchanmanta qaqchanaypaq.

Lucas 17:34

Nikichikmi, chay tutam iskay runakuna camapi kachkanqaku, hukninmi apasqa kanqa, hukninñataqmi saqesqa.

Hechos 17:16

Pablom Silastawan Timoteota Atenas llaqtapi suyaspan, llumpay llakisqallaña karqa chay llaqtapi runakuna idolokunaman qokurusqankuta qawaspan.

Hechos 18:5

Silaswan Timoteo Macedoniamanta chayaramuptinkum, Pabloqa mana samaykuspa Diospa palabranta willakurqa, hinaspam judiokunaman yachachirqa Jesusqa suyasqanku Cristopuni kasqanta.

Hechos 4:20

Ñoqaykuqa manam upallaymankuchu rikusqaykumantawan uyarisqaykumanta willakuytaqa, nispanku.

Apocalipsis 16:1

Templomantam huk hatun qaya-kuyta uyarirqani, qanchis angelkunatam kaynata nimurqa: Rispayá Diospa piñakuyninwan huntasqa qanchis copakunata allpa pachaman tallimuychik, nispa.