Jeremías 6:1 - CHUYA QELLQA La Biblia en Quechua de Ayacucho 2012

¹ ¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Quechua Ayacucho Bible 1987

¹ Benjaminpa mirayninkuna, Jerusalen llaqtamantayá lluptiychik. Benjaminpa mirayninkuna, Tecoa llaqtapiyá cornetata tocaychik. Bet-haquerem llaqtachapiyá señalta hatarichiychik. Norte lawmantam castigo hamuchkan. Llumpa-llumpay desgraciam hamuchkan.

Chuya Qellqa 1992

¹ ¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Jeremías 6:1 Iomraidhean Croise

2~Samuel 14:2

Chaymi Tecoa llaqtamanta sakri warmita pusachimuspa Joab nirqa: Ama hina kaspayá wañuchikuq warmi hina luto pachawan churakuspayki ama aceitewanpas tallikuspa, aswanqa wañukuqninmanta unayña llakikuq warmiman rikchakuy.

2~Crónicas 11:6

Chay hatarichisqan llaqtakunam kaykuna: Belén, Etam, Tecoa,

Nehemías 3:14

Muladarwan sutichasqa punkutam allicharqa Recabpa churin Malquías, payqa karqa Bet-haquerem llaqtapi gobernadormi, paymi punkunkunatawan cerrojonkunata hinaspa rejillankunata churarqa.

Nehemías 3:5

Qatiqnintam allicharqa Tecoa llaqtayuq runakuna, kamachiqninkunam ichaqa mana yanapayta munarqakuchu.

Jeremías 10:22

¡Uyariychik willakuymi hamuchkan! Norte lawmantam hatun qapariy hamuchkan, Judá nacionpi llaqtakunatam purmachinqa, atoqkunapa yachananmanñam tikrarunqa, nispa.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 4:29

Silladakunapa qapariyninwanmi, flechaqkunapa qapariyninwanmi, llaqta runakuna lluptikunku; montekunamanmi yaykunku, qaqakunamanmi qespinku. Llaqtakunam manaña runayuq qeparun, chaypiqa manañam pipas yachanñachu.

Jeremías 6:22

Tayta Diosmi kaynata nin: Norte lawmantam tropakuna hamuchkan. Karu-karu allpamantam ancha atiyniyuq nación hatarimuchkan.

Amós 1:1

Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Zacarías 6:6

Yana caballokunapa chutasqan carretam norte lawpi nacionman richkan, yuraq caballokunapa chutasqanmi intipa seqaykunan lawpi nacionman richkan, moro caballokunapa chutasqanñataqmi sur lawpi nacionman richkan, nispa.

Josué 15:63

Chaywanpas Judá aylluqa manam Jerusalén llaqtapi yachaq jebuseokuna qarqoytaqa atirqakuchu. Chayraykum jebuseokunaqa Judá aylluwan kuska kunankama yachachkanku.

Jueces 1:21

Benjaminpa mirayninkunam ichaqa Jerusalenpi yachaq jebuseokuna qarqoyta mana atirqakuchu, chayraykum jebuseokunaqa Benjaminpa mirayninkunawan Jerusalenpi yacharqaku. Chaypim kunankamapas yachachkanku.