Jeremías 52:6 - CHUYA QELLQA La Biblia en Quechua de Ayacucho 2012

⁶ Chay watapa tawa kaq killanpa isqon punchawninpim, llaqtapi runakuna llumpay yarqaymanta karqaku mikunankupaq manaña imapas kaptin.

Quechua Ayacucho Bible 1987

⁶ Tawa kaq killapa isqon punchawninpim llaqtapi runakuna puraminti yarqaymanta karqaku mikunankupaq manaña imapas kaptin.

Chuya Qellqa 1992

⁶ Chay watapa tawa kaq killanpa isqon punchawninpim, llaqtapi runakuna llumpay yarqaymanta karqaku mikunankupaq manaña imapas kaptin.

Jeremías 52:6 Iomraidhean Croise

2~Reyes 25:3

Tawa kaq killapa isqon punchawninpim mikunanku tukuruptin llaqtapi runakuna yarqaymanta kaspanku

Isaías 3:1

¡Allinta qawarikuychik! Tukuy Atiyniyuq Tayta Diosmi Jerusalén llaqtamanta chaynataq Judá nacionmanta, mikuy apamuqninkunata qechunqa; qechunqataqmi tantatawan yakutapas.

Jeremías 15:2

Sichum paykuna nisunki: ¿Maymantaq risaqku? nispa, hinaptinqa ñoqapa sutiypim kaynata ninki: Onqoywan wañunanpaq kaqkunaqa onqoywanyá wañuchunku; guerrapi wañunanpaq kaqkunaqa guerrapiyá wañuchunku; yarqaymanta wañunanpaq kaqkunaqa yarqaymantayá wañuchunku; preso apasqa kanankupaq kaqkunaqa preso apasqayá kachunku, nispayki.

Jeremías 19:9

Churi-wawankutapas taytamama-llankuwanmi mikuchisaq, chayna-taqmi kikinkupas sapakama mikunakunqaku, chaynataqa ruwanqaku enemigonku atacaspa pasaypaq muyuriruptinku yarqaymanta kasqankuraykum.

Jeremías 21:9

Pipas kay llaqtapi puchuqkunaqa guerrawan, yarqaywan, peste onqoywanmi wañunkichik. Ataca-musuqnikichik Caldea runakunapa makinman churakuspam ichaqa kawsankichik, vidaykichiktapas salvankichikmi.

Jeremías 25:10

Kusikuspanku fiestakunapi chaynataq casarakuykunapi takiyninkutapas qollurachisaqmi. Maraypa kunrunyayninpas, mecheropa achkiyninpas manañam kanqañachu.

Jeremías 37:21

Chaymi rey Sedequías kamachirqa, Jeremiasta carcelpa patiollanpiña presochaspa, tanta qatumanta tantata rantimuspa sapa punchaw payman qonankupaq. Chaynatam ruwarqaku llaqtapi tanta tukunankama. Chaynapim Jeremiasqa carcelpa pationpi preso karqa.

Jeremías 38:9

Reynilláy, kay runakunapa profeta Jeremiaswan imam ruwasqankuqa manam allinchu, paytaqa pozomanmi kachaykamunku, chaypiqa yarqaymantam wañurunqa, kay llaqtapiqa tantapas manañam kanchu, nispa.

Jeremías 39:2

Chunka hukniyuq wataña rey Sedequías munaychakuchkaptinmi, chay watapa tawa kaq killanpa isqon kaq punchawninpi, llaqtapa murallanta toqoruspanku,

Lamentaciones 1:11

Jerusalenpi yachaqkunam waqachkanku, mikuyta maskaspam purichkanku; kawsaytaraq munaspam tukuy kapuqninkunawan mikuyta truekachkanku. Dios Taytalláy, ¡sasachakuypi kasqayta qawariway!

Lamentaciones 5:10

Cuerpollaykupas yarqaymantam horno hinaraq calenturawan ruparichkan.

Ezequiel 14:13

Runapa churin, sichum hukkaqnin nación huchallikuspan ñoqamanta karunchakuruptinqa castiganaypaqmi makiyta hoqarisaq, hinaspaymi mikunankutapas chinkarachisaq, yarqayta kachaykuptiymi runakunapas hinaspa animalkunapas wañunqaku.

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 31:1

Chunka hukniyuq watapa kimsa kaq killanpa punta kaq punchawninpim Tayta Dios rimapayawaspan kaynata niwarqa:

Ezequiel 5:16

Contraykichikpim wañuchikuq flechay-kunata hinaraq yarqayta kacharimusaq, yarqaytawan puchukayta hinaspa muchuytam kachaykamusqaykichik.

Ezequiel 7:15

Hawapiqa wañuchinakuyllam kachkan, ukupiñataqmi peste onqoywan yarqay kakuchkan. Campopi kaqkunam espadapi wañunqaku, llaqta ukupi kaqkunañataqmi yarqaywan hinaspa peste onqoywan wañunqaku.

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Deuteronomio 32:24

Yarqaymantam wañunqaku, sinchi calenturawanmi puchukanqaku, millay peste onqoywanmi tukunqaku, mikukuq purun animalkunatawan kachukuq maqta urukunatam paykunaman kachaykusaq.