Jeremías 52:4 - CHUYA QELLQA La Biblia en Quechua de Ayacucho 2012

⁴ Isqon wataña munaychakuchkaptinmi, chay watapa chunka kaq killapa chunka kaq punchawninpi Babiloniapa reynin Nabucodonosor llapa tropankunawan Jerusalenpa muyuriqninpi churakururqaku, hinaspankum llaqtaman yaykunankupaq rampakunata ruwarqaku.

Quechua Ayacucho Bible 1987

⁴ Isqon watamanña Rey Sedequias gobiernachkaptinmi chunka kaq killapa chunka kaq punchawninpi Babilonia nacionpa reynin Nabucodonosor llapa tropankunapiwan Jerusalen llaqtapa contranpi hamuruspan muyuriqninpi churakururqa. Campamentonta sayarachispanmi llaqtapa contranpi hawa lawninpi perqata hatarirachirqa.

Chuya Qellqa 1992

⁴ Isqon wataña munaychakuchkaptinmi, chay watapa chunka kaq killapa chunka kaq punchawninpi Babiloniapa reynin Nabucodonosor llapa tropankunawan Jerusalenpa muyuriqninpi churakururqaku, hinaspankum llaqtaman yaykunankupaq rampakunata ruwarqaku.

Jeremías 52:4 Iomraidhean Croise

Isaías 29:3

Muyuriqnikipim campamentoyta hatarichisaq, tropaykunawanmi muyurusqayki, kaspikunawanmi muyuriqnikita qencharusaq, atacanaypaqmi uchkukunata ruwachisaq.

Jeremías 21:2

Ama hina kaspaykiyá ñoqanchikpaq Tayta Diosta tapuykuy. Babilonia nacionpa reynin Nabucodonosormi atacamuwachkanchik, ichapas Tayta Diosqa ñawpaq tiempopi hina admirakuypaq kaqkunata ruwaspan Nabucodonosorta ñoqanchikmanta asurachinman, nispa.

Jeremías 32:24

Caldea runakunam kay llaqtaman yaykumunankupaq perqapa qepanman allpata montoramunku; chaymi guerrawan, yarqaywan hinaspa peste onqoywan, kay llaqtata enemigonkunapa makinman qosqa kanqa. Dios Taytalláy, qawasqaykipi hinapas, nisqaykiman hinam cumplikuchkan.

Jeremías 34:1

Babilonia nacionpa reynin Nabu-codonosor llapa tropankunawan chaynataq munaychakusqan nacionkunamanta kaq llapallan runakunawan, Jerusalén llaqtapa contranpi chaynataq muyuriqninpi kaq llaqtakunapa contranpi peleachkaptinmi, Jeremiasta Tayta Dios nirqa:

Jeremías 39:1

Judá nacionpi rey Sedequías isqon wata chunka killanña munaychakuchkaptinmi, Babilonia nacionpa reynin Nabucodonosor llapa tropankunawan hamuruspa Jerusalén llaqtata muyurirurqaku.

Jeremías 4:17

Chakra cuidaqkuna hinaraqmi Judá nacionta muyurunqaku, chaynataqa ruwanqaku contraypi hoqarikurusqankuraykum; ñoqa Tayta Diosmi chaynata nini.

Jeremías 52:7

Chaymi llaqtapa perqanta toqoruspanku, Jerusalenpa lliw soldadonkuna tutallan lluptirurqaku. Iskay murallakunapa chawpinpi punkunta lloqsispankum reypa huertankunaman riq ñanninta Arabá qechwaman ayqerqaku.

Ezequiel 21:22

Alleq makinpi flecham Jerusalén llaqtaman toqpiykun, chaypa ninanqa kaykunam: Guerrapaq tukuy rikchaq armakunawan atacamuy, llaqtapi runakunata wañuchimuy, guerrapaq qapariy, punkunkunata tuñichiy, rampakunata ruwachiy, atacanaykipaq torrekunata hatarichiy ninanmi.

Ezequiel 21:27

Ñoqaqa imatañapas pasaypaqtam purmachisaq. Chaykunaqa pasakunqa kamachisqayman hina Babilonia nacionpa reynin chayamuptinmi, nispa.

Ezequiel 26:8

Lamar qocha patanpi yachaq runaykikunatapas espadawanmi wañuchinqa, muyuriqnikipim murallata hatarichinqa, atacasunaykipaqmi rampakunata ruwanqa, escudowan armasqa soldadokunatam contraykipi kacharimunqa.

Ezequiel 33:21

Preso apasqa kasqaykumanta chunka iskayniyuq watapa chunka kaq killanpa pichqa kaq punchawninpim, Jerusalenmanta ayqemuq runa qonqayta chayaramurqa, hinaspam kaynata niwarqa: ¡Jerusalén llaqtam enemigopa makin-man wichiykun! nispa.

Ezequiel 40:1

Chunka tawayuq watañam Jeru-salén llaqta tuñichisqa kasqanmanta pasarurqa, ñoqaykuñataqmi iskay chunka pichqayuq wataña Babiloniapi preso kachkarqaniku. Chay watapa punta kaq killanpa chunka kaq punchawninpim Tayta Dios hapiykuwaspa chay llaqtaman aparuwarqa.

Levítico 26:25

Pacto ruwasqayta mana kasusqaykichikmantam guerrawan wañu-chisqaykichik, guerramanta llaqtaykichikman ayqeptikichikpas peste onqoytam kachaykamusqaykichik, qamkunaqa enemigoykichikkunaman qosqam kankichik.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Lucas 19:43

Hamuchkanmi punchawkuna, enemigoykikuna muyurirususpayki cercota hatarichiptinku mana maynintapas lluptiyta atinaykipaq.

Lucas 21:20

Jerusalenpa muyuriqninpi tropa-kunata qawaspaqa, chay llaqtapa pur-machisqa kanan tiempo chayaramusqantañayá yachaychik.