Jeremías 51:6 - CHUYA QELLQA La Biblia en Quechua de Ayacucho 2012

⁶ ¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Quechua Ayacucho Bible 1987

⁶ Babilonia llaqtamantayá vidaykichikta salvanaykichikpaq lluptiychik. Huchallikuqmasinku kaspa ama castigasqa kanaykichikpaqyá ayqeychik. Ñoqa Tayta Diospa vengakunay tiempom chayaramunña. Ñoqa Tayta Diospa pagakunay tiempom chayaramunña.

Chuya Qellqa 1992

⁶ ¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Jeremías 51:6 Iomraidhean Croise

Proverbios 13:20

Yachayniyuqkunawan hukllawakuqqa yachayniyuqmi kanqa, mana yachayniyuqkunawan hukllawakuqmi ichaqa sasachakuypi tarikunqa.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 63:4

Vengakunay punchawmi chayaramunña, llaqtayta reclamanay punchawmi chayaramunña.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 25:16

Chay vasomanta upyaspankum katkatatanqaku, paykunapa contranpi guerrata kacharisqayraykum locoyanqaku, nispa.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 46:10

Tukuy Atiyniyuq Tayta Diospa punchawniymi chay punchawqa, chay punchawpim enemigonkunamanta vengakunqa. Espadam runakunata aminankama wañuchinqa, yawarninkuwanmi sinkanqa. Norte law nacionpim, Eufrates mayupa hichpanpim Tukuy Atiyniyuq Tayta Dios wañuchinqa.

Jeremías 48:6

¡Vidaykichikta salvanaykichikpaq ayqeychik! ¡Chunniqpi wiñaq sacha hinayá kaychik!

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 50:28

Babiloniamanta lluptiqkunapa qayakuyninmi uyarikun, Tayta Diospa vengakusqantam Sión llaqtapi willakuchkanku, templon tuñichisqankumanta vengakusqantam willakuchkanku.

Jeremías 50:31

Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Jeremías 50:8

¡Babilonia nacionmanta lluptiychik, Caldea allpamanta lloqsiychik! ¡Ayqeqkunapa ñawpaqninta kallpaychik!

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:36

Chayraykum Tayta Dios kaynata nin: Ñoqam qamta nanachikusqayki, enemigoykikunatam vengakusaq, Babiloniapa pukyunkunatawan mayuntam chakichisaq,

Jeremías 51:45

Kuyasqay llaqtalláy, chay nacionmanta lloqsiy, vidaykichikta sapakama libraychik. Tayta Diospa nina hina piñakuyninmanta vidaykichikta lluptichiychik.

Jeremías 51:50

¡Wañuymanta lluptiqkuna, ama sayaykuspa ayqeychik! ¡Karupiña kaspapas, Tayta Diosmanta yuyariychik! ¡Jerusalén llaqtamanta yuyariychik!

Jeremías 51:56

Babiloniata tuñichiqkunam hamurunku, tropankunatam presocharunku, flechananku arcotam pakiparunku. Tayta Diosqa imam ruwasqankuman hinam pimanpas pagapun.

Jeremías 51:9

¡Babiloniataqa hampirunikuñam, ichaqa manam sanoyanchu! ¡Saqeychik! Llaqtanchikman sapakama ripukusun. Huchankunaqa cielokamaraqmi chayarun, puyukamaraqmi hoqarikurun.

Lamentaciones 3:64

Dios Taytalláy, imam ruwasqankuman hina paykunaman pagaykapuy.

Números 16:26

Hinaspam chaypi runakunata nirqa: Kay mana allin ruwaq runakunapa carpanmanta asurikuychik, ama imankutapas hapiychikchu, yanqañataq paykunapa huchanmanta qamkunapas wañuruwaqchik, nispa.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.

Deuteronomio 32:41

Espadayta llipipipinankama ñawchiyachispaymi, justicia ruwanaypaq espadayta hapiykuspaymi, enemigoykunamanta vengakusaq, ruwayninkuman hinam cheqniwaqniykunaman pagapusaq.

Deuteronomio 32:43

Llapa nacionkuna, Diospa llaqtanwan kusikuychik, Tayta Diosmi serviqninkunapa wañusqanmanta vengakunqa, enemigonkunatam castiganqa. Allpantam chuyanchanqa, runankunatam pampachanqa, nispa.

1~Timoteo 5:22

Manaraq sumaqta reqsiykuchkaspaykiqa amayá chayllaqa pimanpas makikitaqa churaychu kamachikuq kananpaqqa, chaynapi paykunapa huchanwan ama qachachakunaykipaq. Qamqa chuya sonqollayá kawsay.

Apocalipsis 16:19

Hinaptinmi chay hatun llaqta kimsaman chitqakururqa, tuñirurqataqmi kay pachapi llaqtakunapas. Diosmi yuyarirurqa hatu-hatun Babilonia llaqtamanta vino upyachichkaq hina piñakuyninwan castigananta.