Jeremías 51:44 - CHUYA QELLQA La Biblia en Quechua de Ayacucho 2012

⁴⁴ Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Quechua Ayacucho Bible 1987

⁴⁴ Bel taytachatam Babilonia llaqtapi castigasaq. Imapas millpusqankunatam ñoqaqa aqturachisaq. Chay taytachamanqa manañam rinqakuñachu nacionkunaqa. Babilonia llaqtapa murallankunapas tuñisqañam kanqa.

Chuya Qellqa 1992

⁴⁴ Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Jeremías 51:44 Iomraidhean Croise

2~Crónicas 36:7

Tayta Diospa templonpi serviciokunatapas aparuspanmi Babilonia llaqtapa templonman churarurqa.

Jobwan Sutichasqa Libro 20:15

Payqa qori-qollqe rakrasqantam atqorunqa, Diospunim wiksanmanta atqochinqa.

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 21:9

Waqaya caballokunapa aysasqan carretapi runakuna hamuchkan. ¡Babilonia naciontam vencerunku, idolonkunapas pampakunapiñam ñutupasqa wischurayachkan! nistin.

Isaías 60:5

Paykunata qawaykuspam uyaykipas kancharinqa, sonqoykimanpas kusikuymi huntaykunqa; llapa nacionkunapa kapuqninkunatam qanman apamunqaku, lamar qochapa patanpi llaqtakunapa qori-qollqentam qosunki.

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Jeremías 51:18

Mana imapaq valeqmi chaykunaqa, asikuypaqmi chay idolokunaqa, Tayta Diospa castiganan punchaw chayamuptinmi pasaypaq ñutusqa kanqaku.

Jeremías 51:34

Sión llaqtam kaynata nin: Babiloniapa reynin Nabucodonosormi ñutuparuwaspan mikuruwarqa, mana imayuq platota hinam saqeruwarqa, rakrapu hinam millpuruwarqa, ñoqawan wiksanta huntarachispanmi atqoruwarqa.

Jeremías 51:47

Chaynaqa, hamuchkanmi punchaw Babilonia nacionpa idolonkunata castiganaypaq. Babiloniam penqaypi rikurinqa, ayankunapas chawpinpim wischurayanqa.

Jeremías 51:53

Babilonia naciontaqa, cielokamaña hoqarikuruptinpas, amparakunanta chaypiña ruwaruptinpas, ñoqam tuñichiqninkunata kachaykusaq. Ñoqa Tayta Diosmi chaynata nini.

Jeremías 51:58

Tukuy Atiyniyuq Tayta Diosmi kaynata nin: Babiloniapa rakta-rakta perqakunatam pasaypaqta purmachinqaku, hatu-hatun punkunkunatam kañaykunqaku. Yanqapaqmi llamkaqkunapas hatarichirqaku, nina tukurunanpaqmi pisipaywan llamkarqaku.

Daniel 1:2

Judá nacionpa reynin Joacimtam, templopi kaq achka serviciokunatawan rey Nabucodonosorman Tayta Dios qoykurqa, hinaptinmi chay reyqa tukuy imata Sinar sutiyuq Babilonia nacionman aparqa, hinaspam idolonpa kapuqninkuna waqaychana wasinman churaykurqa.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 4:1

Ñoqa rey Nabucodonosormi kay pachapi llapallan runakunaman, lliw nacionkunaman, tukuy rikchaq rimayniyuqkunaman qellqamuykichik: Hawkayay qamkunapi kachun.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 5:19

Chaynata hatuncharuptinmi lliw nacionkunapi runakunapas, huk rikchaq rimayniyuqkunapas, katkatataspa payta manchakurqaku, chaynapim runakunataqa munasqanman hina wañurachiqpas otaq kawsachiqpas, hatuncharuqpas otaq usuchiqpas.

Daniel 5:26

Wak qellqapa imam ninanqa kaymi: MENE ninanqa: Diosmi munaychakuynikipa punchawninta yupaspan puchukarachin, ninanmi.

Daniel 5:31

Hinaptinmi Media lawmanta kaq rey Darioña munaychakururqa. Darioqa soqta chunka iskayniyuq watanpim kachkarqa.