Jeremías 51:41 - CHUYA QELLQA La Biblia en Quechua de Ayacucho 2012

⁴¹ Babiloniam presochasqa rikurirun, llapallan nacionpa alabanan nacionmi vencesqa rikurirun, chayta qawaspam wakin nacionkunapas mancharikunku.

Quechua Ayacucho Bible 1987

⁴¹ Sesacwan sutichasqa Babilonia llaqtaqa ¿imaynanpitaq vencesqa rikurirun? Llapallan nacionpa alabasqan Babilonia llaqtaqa ¿imaynanpitaq dueñochakusqa rikurirun? Wakin nacionkuna Babilonia llaqtata qawaspam llumpayllataña mancharikurun.

Chuya Qellqa 1992

⁴¹ Babiloniam presochasqa rikurirun, llapallan nacionpa alabanan nacionmi vencesqa rikurirun, chayta qawaspam wakin nacionkunapas mancharikunku.

Jeremías 51:41 Iomraidhean Croise

2~Crónicas 7:21

Kay suma-sumaq templotapas purmasqataña qawaykuspankum, haykam pasaqkuna admirasqallaña tapukunqaku: “¿Imanasqataq Tayta Diosqa kay naciontawan, kay templotaqa kaynata ruwarun?” nispa.

Isaías 13:19

Babilonia llaqtaqa, alhaja rumi hina llapa nacionkunapa qawasqan kaspapas, sumaq kayninmanta Caldea nacionpi runakunapa alabakunan kaspapas, Ñoqapa chinkachisqay Sodoma Gomorra llaqtakuna hina purmachisqam kanqa.

Isaías 14:4

Babiloniapi reypa contranpi kaynata takispa asipayankichik: ¡Imaynamá ñakarichikuq reyqa kaynaqa tukurun! ¡Imaynamá hatun tukuspa ruwasqanpas kaynaqa tukurun!

Jeremías 25:26

norte lawpi, karupi kaq, hichpapi kaq reykunamanpas. Kay pachapi llapallan munaychakuqkunamanmi upyachirqani. Paykunapa qepantañataqmi Babilonia nacionpa reynin upyanqa.

Jeremías 49:25

Ancha reqsisqa llaqtam, kusikuypa kanan llaqtam, manaña runayuq qeparun.

Jeremías 50:23

Nacionkunata tuñichiq martilloman rikchakuq Babilonia nacionmi pakipasqa rikurirun, ¡Babilonia llaqta purmarusqanwanmi llapa nacionkuna mancharisqallaña kachkanku!

Jeremías 50:46

Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Jeremías 51:37

Babiloniaqa pasaypaq tuñichisqam kanqa, atoqkunapa yachananñam kanqa, runapa mana yachananñam kanqa, qawaqninkunapas admirakuspam burlakunqa.

Ezequiel 27:35

Lamar qochapa patanpi llapallan yachaqkunam mancharisqallaña kachkanku; reyninkunapas llumpay mancharisqam kachkanku, manchakuymi uyankupi sutilla qawakuchkan.

Daniel 2:38

Qosurqankitaqmi tukuy hinastinpi runakunatapas, animalkunatapas hinaspa alton pawaqkunatapas, chaykunapi munaychakunaykipaq. Reynilláy, chay sayaqpa qorimanta umanqa qanmi kanki.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Deuteronomio 28:37

Tayta Diospa pusachisusqayki nacionkunapim qanmanta rimaspanku asipayaspa burlakusunki.