Jeremías 51:30 - CHUYA QELLQA La Biblia en Quechua de Ayacucho 2012

³⁰ Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Quechua Ayacucho Bible 1987

³⁰ Babilonia llaqtapa valeroso soldadonkunaqa manam peleankuñachu. Pakakunanku sitiokunapi qeparuspam manaña lloqsinkuñachu. Paykunaqa kallpanku tukuruptinmi warmikuna hinaña kachkan. Llaqtankupi wasinkupas kañasqañam kachkan. Zaguanninkupa cerrojonkunapas pakipasqañam kachkan.

Chuya Qellqa 1992

³⁰ Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Jeremías 51:30 Iomraidhean Croise

Isaías 19:16

Chay punchawmi Egipto runakuna, warmikuna hina llumpay mancharisqallaña katkatatanqaku. Paykunata Tukuy Atiyniyuq Tayta Dios castigasqarayku.

Isaías 47:14

Paykunaqa qopa hinallam, ninapa rupasqanmi tukurunqaku; ninamantaqa manam lluptiyta atinqakuchu, chay ninaqa manam ladonpi tiyaspa qonikunapaq sansallachu.

Jeremías 48:41

Llaqtakunapas enemigopa munaychakusqanmi kanqa, amparakuna sitiokunapas tuñichisqam kanqa. Chay punchawmi Moab nacionniyuq allinnin qari-qari runakunapa sonqonku hukmanyarunqa, wachakuywan ñakariq warmi hinaraqmi rikurirunqa.

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Jeremías 51:32

Mayupa vadonkunapim churakurunku, soqosllaña sitiokunatam kañaykunku, soldadokunam manchakuypa huntasqan kachkanku.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Lamentaciones 2:9

Punkunkunapas lliwmi tuñirun, punku cerrojonkunatapas pasaypaqtam pakiparun. Reyninpas kamachiqninkunapas Diosta mana reqsiq runakunapa chawpinpiñam kachkanku, profetankunapas manañam Diosmanta visionkunata chaskinkuñachu.

Amós 1:5

Damascopa punkunkunatam tuñirachisaq, Bicat-avenpi yachaqkunatawan, Bet-edenpi kamachikuqkunatam chinkarachisaq. Siria llaqtatam Kir llaqtaman presota apachisaq. Tayta Diosmi chaynata nin.

Nahúm 3:13

Tropaykikunapas qampaqqa warmikuna hinam. Llaqtaykipa punkunkunapas enemigoykikunapaqmi chaylla kichakuykunqa, punkuykipa candadonkunatapas ninam rupanqa.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.