Jeremías 51:27 - CHUYA QELLQA La Biblia en Quechua de Ayacucho 2012

²⁷ Banderata kay nacionpi hoqariychik, nacionkunapi trompetata tocaychik, Babiloniata atacanankupaq nacionkunata alistamuychik. ¡Araratpi, Minipi hinaspa Askenazpi tropakunata hatarichimuychik! Chay tropakunapa capitanninta churaychik. Caballopi silladakunata aqaruway urukunata hinaña hatarichimuychik.

Quechua Ayacucho Bible 1987

²⁷ Babilonia nacionpa contranpiyá hoqariychik banderata. Nacionkuna alistakunanpaqyá tocaychik cornetata. Chay nacionpa contranpiyá hatarichiychik tropakunata. Ararat nacionmantayá tropakunata hatarichimuychik. Mini nacionmantayá tropakunata hatarichimuychik. Askenaz nacionmantayá tropakunata hatarichimuychik. Chay tropakunapa kamachiqnintayá nombraychik. Purmachiq aqarway urukunatapas hinaraqyá caballopi silladakunatapas hatarichimuychik.

Chuya Qellqa 1992

²⁷ Banderata kay nacionpi hoqariychik, nacionkunapi trompetata tocaychik, Babiloniata atacanankupaq nacionkunata alistamuychik. ¡Araratpi, Minipi hinaspa Askenazpi tropakunata hatarichimuychik! Chay tropakunapa capitanninta churaychik. Caballopi silladakunata aqaruway urukunata hinaña hatarichimuychik.

Jeremías 51:27 Iomraidhean Croise

Génesis 10:3

Gomerpañataqmi karqa: Askenaz, Rifat hinaspa Togarma.

Génesis 8:4

hinaptinmi arca tiyaykurqa Ararat orqopi, qanchis kaq killapa chunka qanchisniyuq punchawninpi.

2~Reyes 19:37

Huk punchawmi, Senaqueribqa Nisroc idolota templopi yupaychachkarqa, hinaptinmi churin Adramelecwan churin Sarezer wañurachirqaku, hinaspam Ararat lawman lluptikurqaku. Rey Senaqueribpa rantinpim churin Esar-hadonña munaychakurqa.

1~Crónicas 1:6

Gomerpa mirayninmi karqa: Askenaz, Rifat, Togarma.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 37:38

Huk punchawmi Nisroc idolonta templonpi yupaychachkarqa, hinachkaptinmi Adramelecwan Sarezer espadawan wañurachirqaku, hinaspam Ararat lawman lluptikurqaku, paykunaqa churinkunam karqaku. Chaymi rey Senaqueribpa rantinpi churin Esar-hadonña munaychakurqa.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 46:23

Ñoqa Tayta Diosmi kaynata nini: Manaña yaykuy atina montenkunatam kuchuparunqaku. Paykunaqa aqaruway urukuna hina manaña yupay atinam karqaku.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 50:9

Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Jeremías 51:12

¡Babilonia nacionpa murallankunapa hawanpi banderata sayachiychik! ¡Llaqta waqaychaqkunata yapaychik! ¡Vigilaqkunata churaychik! ¡Llaqta wateqaqkunata churaychik! Tayta Diosmi Babilonia nacionpa contranpi tanteasqankunata ruwayman churanqa.

Jeremías 51:14

Tukuy Atiyniyuq Tayta Diosmi kikinrayku juraspan kaynata nin: Enemigoykikunawanmi aqaruway urukunawan hinaraq inturachisqayki, paykunam vencesusqaykita hatunmanta qaparinqaku, nispa.

Jeremías 51:28

Babiloniata atacanankupaq nacionkunata alistaychik, atacanankupaq Media nacionpi reykunatawan kamachiqninkunata qayamuychik, munaychakusqan nacionkunata hatarichimuychik.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Joel 3:9

Nacionkunaman kayta willakamuychik: ¡Guerra! nispa qapariychik, allinnin qari-qari soldadokunata qayamuychik, Guerrapi peleanankupaq asuykamuchunku.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.

Jueces 6:5

Chay runakunaqa animalnintinmi hinaspa carpantinmi yaqa aqaruway uru hinaña hamuqku. Camellonkupas chaynataq paykunapas mana yupay atinam karqaku, chay allpapi kaqkunata tukunankupaqmi hamuqku.