Jeremías 51:22 - CHUYA QELLQA La Biblia en Quechua de Ayacucho 2012

²² Qanwanmi wañuchini qarikunata warmikunatapas, warmakunatawan machukunatapas, jovenkunatawan sipaskunatapas,

Quechua Ayacucho Bible 1987

²² Qanwanmi warmikunatawan qarikunata maqapani. Qawanmi machukunatawan warmakunata maqapani. Qanwanmi mozokunatawan doncellakunata maqapani.

Chuya Qellqa 1992

²² Qanwanmi wañuchini qarikunata warmikunatapas, warmakunatawan machukunatapas, jovenkunatawan sipaskunatapas,

Jeremías 51:22 Iomraidhean Croise

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Isaías 13:15

Pipas tarichikuqqa lanzawan tuksisqam kanqa, pipas hapichikuqtam espadawan wañuchinqaku.

Isaías 13:16

Qawachkaptinkum wawa-churinkutapas pampaman waqtaspa wañuchinqaku, wasinkutam suwanqaku, warminkutam abusanqaku.

Isaías 13:18

Jovenkunatapas flechawanmi wañuchinqaku, llullu wawakunatapas manam kuyapayanqakuchu, warmakunatapas manam llakipayanqakuchu.

Isaías 20:4

Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq.

Jeremías 44:7

Chaynaqa, ñoqa Tukuy Atiyniyuq Tayta Diosmi nini: ¿Imanasqataq kay hatun mana allinkunata contraykichikpi ruwarunkichik? ¿Judá nacionniyuq qarikunapas, warmikunapas, warmakunapas hinaspa ñuñuq wawachakunapas pasaypaq tukurunantachu munachkankichik?

Jeremías 50:37

Carretankunatawan caballonkunatapas espadawan wañuchimuychik, warmi hinaña katkatatanankukama soldadonkunatapas wañuchimuychik, qori-qollqenkupa contranpi peleamuychik, lliwta suwa apachun.

Jeremías 51:23

michiqkunatawan ovejakunatapas, yapuqkunatawan torokunatapas, munaychakuqkunatawan kamachikuqkunatapas.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Lamentaciones 2:11

Ñawillaypi weqellaykunapas tukurunñam, llaqtaypa tuñisqanta qawaspaymi ancha hukmayasqa kachkani, ñuñuq wawakuna yarqaymanta plazakunapi wañuqta qawaspaymi hukmanyasqallaña kachkani.

Lamentaciones 2:21

Warmakunawan yuyaqkunam callekunapi wischurayachkanku, jovenkunawan sipaskunam espadapi wañurunku, piñakusqayki punchawpim wañurachinki, mana llakipayarispam wañurachinki.

Ezequiel 9:6

Ama hukllatapas puchuykuspam yuyaqkunatapas, jovenkunatapas, sipaskunatapas, wawakunatapas hinaspa warmikunatapas wañuchimunkichik; urkunpi señalniyuq kaqkunatam ichaqa ama imanankichikchu. Temploypi kaqkunamantam wañuchiytaqa qallaykunkichik, nispa. Chaymi templopa ñawpaqninpi kaq ancianokunamanta wañuchiyta qallay-kurqaku.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.