Jeremías 51:20 - CHUYA QELLQA La Biblia en Quechua de Ayacucho 2012

²⁰ Tayta Diosmi Babilonia nacionta kaynata nin: Maqanay arma hinam qamqa kanki, Guerrapi peleanay arma hinam qamqa kanki. Qanwanmi nacionkunata purmachini, qanwanmi munaychakuykunata tuñichini.

Quechua Ayacucho Bible 1987

²⁰ Tayta Diosmi Babilonia nacionta nin kaynata: Maqanay arma hinam qamqa kanki. Guerrapi peleanay arma hinam qamqa kanki. Qanwanmi nacionkunata maqapani. Qanwantaqmi gobiernaqkunatapas maqapani.

Chuya Qellqa 1992

²⁰ Tayta Diosmi Babilonia nacionta kaynata nin: Maqanay arma hinam qamqa kanki, Guerrapi peleanay arma hinam qamqa kanki. Qanwanmi nacionkunata purmachini, qanwanmi munaychakuykunata tuñichini.

Jeremías 51:20 Iomraidhean Croise

Isaías 10:15

¿Yaqachu hacha alabakunman paywan kuchuqmanta masta? ¿Serruchopas hatun tukunmanchu paywan kuchuqninpa contranpi? ¿Kaspimanta tawnaqa yaqachu kamachinman apaqninta?

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 13:5

Karu nacionkunamantam hamuchkanku, kay pachapa cantonkunamantam hamuchkanku. Tayta Diosmi piñakuyninwan armasqa hamuchkan, kay pachata purmachinanpaqmi hamuchkan.

Isaías 37:26

¿Manachu yacharqanki ñawpaqmantaraq ñoqa Dios chaykuna ruwasqayta? ¿Ñawpaq punchawkunapiraq ñoqa tanteasqayta? chaykunatam kunan ruwani qanwan, hinaptinmi murallasqa llaqtakunata tuñichispa purmachimurqanki.

Isaías 45:1

Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Isaías 8:9

Nacionkuna huñunakuspa kayta uyariychik, karu llaqtakunapi llapallan runakuna, kayta uyariychik: Armaykichikta alistakuspapas sasachakuypim rikurinkichik, arí, chaynata ruwaspaykichikpas sasachakuypim tarikunkichik.

Jeremías 25:11

Kay nacionmi pasaypaq tuñichisqa kaspa chunninqa. Kay nacionkunaqa Babilonia nacionpa reynintañam qanchis chunka wata servinqaku.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 50:23

Nacionkunata tuñichiq martilloman rikchakuq Babilonia nacionmi pakipasqa rikurirun, ¡Babilonia llaqta purmarusqanwanmi llapa nacionkuna mancharisqallaña kachkanku!

Ezequiel 21:11

Espadaqa ñawchiyachisqa kachkan hukkaqnin hapinanpaqmi, ñawchiyachisqaqa kachkan runa wañuchiqman qoykunanpaqmi.

Ezequiel 21:31

Qampa hawaykimanmi piñakuyniyta kachaykamusaq, hawaykipim piñakuyniyta ninata hinaraq ratarirachisaq; mana allinkuna ruwaq runakunapa makinmanmi qoykusqayki, chinkachikuq runakunapa makinmanmi qoykusqayki.

Miqueas 4:12

Paykunaqa manam yachankuchu Tayta Diospa imam tanteasqantapas, nitaqmi entiendenkuchu rimapayasqantapas, manataqmi yachakunkuchu gavillata hina Tayta Diospa huñusqan kanankutapas.

Miqueas 4:13

Sión llaqta, hatarispayki trillay, waqraykikunatapas fierromantam ruwasaq, silluykikunatapas broncemantam ruwasaq, achkallaña nacionkunamanta qechusqaykikunatapas Tayta Diospaqñam sapaqchanki, kay pachapi munaychakuq Señormanmi ofrecenki.

Nahúm 2:1

Nínive llaqta, chinkachisuqnikim hamuchkan. Harkasuqniki perqakunapiyá vigilaqkunata churay, yaykumunan ñantayá wateqay, espadatayá weqawnikiman watakuy, tropaykikunatayá peleanaykipaq huñuy.

Zacarías 10:4

Judamantam lloqsinqa wasipa cimientonpi esquina rumipas, carpata takyachiq estacapas, guerrapi peleana flechapa arconpas. Paymantataqmi lloqsinqa llapa kamachikuqkunapas.

Mateo 22:7

Chayta uyariruspanmi reyqa llum-payta piñakururqa, hinaspam solda-donkunata kamachirqa chay wañu-chiqkunata wañuchimunankupaq chay-nataq llaqtankutapas kañamunanku-paq.