Jeremías 51:11 - CHUYA QELLQA La Biblia en Quechua de Ayacucho 2012

¹¹ Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Quechua Ayacucho Bible 1987

¹¹ Tayta Diosmi Babilonia llaqtata castiganqa. Templonta tuñirachisqanraykum vengakunqa. Flechaykichiktayá alistakuychik. Harkachikuna armaykichiktayá hapiychik. Media nacionpa reyninkunatam Tayta Dios sonqochamuchkan. Babilonia llaqtata tuñichinankupaqmi Tayta Dios tanteamuchkan.

Chuya Qellqa 1992

¹¹ Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:11 Iomraidhean Croise

1~Reyes 11:14

Tayta Diosmi Salomonpa contranpi hatarirachirqa Edom nacionpi reykunapa miraynin Hadadta.

1~Reyes 11:23

Diosmi Eliadapa churin Rezonta Salomonpa contranpi hatarirachirqa, paymi Soba nacionpa reynin Hadad-ezerta servisqanmanta lluptirurqa.

1~Crónicas 5:26

Chayraykum Israelpa Diosninqa, Asiria nacionpa reynin Pulta paykunapa contranpi kachamurqa. Pulpa huknin sutinqa karqa Tiglat-pilesermi. Paymi Rubén aylluta, Gad aylluta hinaspa Manasespa wakin ayllunta presota aparurqa Halah lawman, Habor lawman, Hara lawman hinaspa Gozán mayu lawman, chaypim kunankamapas yachachkanku.

2~Crónicas 36:22

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Isaías 10:26

Tukuy Atiyniyuq Tayta Diosmi Asiria nacionta castiganqa, Madián runakunata Oreb sutiyuq qaqapi castigasqanta hina. Egipto nacionmanta hamusqanku ñanpi lamar qochapa hawanman tawnan hoqarisqanta hinam castiganqa.

Isaías 21:2

Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Isaías 21:5

Mesaman mantelta mastaykuspankum mikukuypi tomakuypi kakuchkanku. ¡Tropa kamachiqkuna, sayariychik! ¡Escudoykichikta wiraychik!

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Isaías 45:1

Tayta Diosmi Cirota rey kananpaq sapaqcharqa, nacionkunapi munaychakuspa reykunata tuñichinanpaqmi makinmanta pusamurqa. Tayta Diosmi llaqtakunapa punkunkunata Ciropa ñawpaqninpi kichanqa, manaña pipas wichqayta atinankama. Paytam Tayta Dios kaynata nin:

Isaías 45:5

Ñoqam Tayta Diosqa kani, ñoqamanta sapaq Diosqa manam kanchu. Mana reqsiwachkaptikipas ñoqam kallpanchasqayki.

Isaías 46:11

Intipa qespimunan lawpi kaq runatam qayaruni, payqa anka hinam karumantaraq hamunqa, ñoqapa munasqaytam ruwanqa. Rimasqayman hinam ruwasaq, Tanteasqayman hinam ruwasaq.

Jeremías 25:25

Upyachirqanitaqmi Zimripa, Elampa hinaspa Mediapa reyninkunamanpas;

Jeremías 46:3

Escudokunatawan armakunata hapispa guerraman kallpaychik.

Jeremías 46:4

¡Soldadokuna! Caballoman monturata wataspa sillakuychik, cascoykichikta churakuspa filaman churakuychik, lanzaykichikta ñawchiyachiychik, qasqotawan wasata harkachikunaykichikta churakuychik.

Jeremías 46:9

¡Silladakuna kallpaychik! ¡Carretakuna loco hinaña pawaychik! ¡Allinnin qari-qari runakuna lloqsiychik! Etiopía nacionniyuq, Fut nacionniyuq soldadokuna escudonkuta hapichunku, Lud nacionniyuq soldadokuna flechananku arcota alistachunku.

Jeremías 50:25

Tayta Diosmi armankuna waqaychanan wasita kicharun, piñakuy armankunatam hurqoramun; Tukuy Atiyniyuq Tayta Diosmi Caldea runakunawan imam ruwananta ruwanqa.

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 50:45

Chaynaqa, Babilonia nacionpa contranpi tanteasqaytawan Caldea runakunapa contranpi tanteasqayta uyariychik: Uña ovejanku-natapas aysaspam apanqaku, pastonkunatapas kañaykunqakum.

Jeremías 50:9

Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Jeremías 51:12

¡Babilonia nacionpa murallankunapa hawanpi banderata sayachiychik! ¡Llaqta waqaychaqkunata yapaychik! ¡Vigilaqkunata churaychik! ¡Llaqta wateqaqkunata churaychik! Tayta Diosmi Babilonia nacionpa contranpi tanteasqankunata ruwayman churanqa.

Jeremías 51:24

Ñoqa Tayta Diosmi kaynata nini: Babilonia nacionmanwan Caldea runakunamanmi, Sión llaqtapi mana allinkuna ruwasqankumanta qayllaykichikpi pagasaq.

Jeremías 51:35

Jerusalenmi kaynata nin: Ñakarichiwasqanmanta Babilonia ñakarichun, imaynam runaykunata wañuchisqankuta hinayá Caldea nacionpi runakunapas wañuchunku, nispa.

Jeremías 51:36

Chayraykum Tayta Dios kaynata nin: Ñoqam qamta nanachikusqayki, enemigoykikunatam vengakusaq, Babiloniapa pukyunkunatawan mayuntam chakichisaq,

Daniel 5:30

Chay tutallam Caldeapa reynin Belsasarta wañurachirqaku.

Joel 3:10

Rejaykichiktapas espadamanña tikraychik, rutunaykichiktapas lanzamanña tikraychik, umpu runapas kallpayuqpaqña hapikuchun.

Joel 3:9

Nacionkunaman kayta willakamuychik: ¡Guerra! nispa qapariychik, allinnin qari-qari soldadokunata qayamuychik, Guerrapi peleanankupaq asuykamuchunku.

Levítico 26:25

Pacto ruwasqayta mana kasusqaykichikmantam guerrawan wañu-chisqaykichik, guerramanta llaqtaykichikman ayqeptikichikpas peste onqoytam kachaykamusqaykichik, qamkunaqa enemigoykichikkunaman qosqam kankichik.

Zacarías 14:12

Jerusalenpa contranpi hatarimuq nacionkunatam Tayta Dios kaynata castiganqa: Runankunapa aychanmi kaw-sachkaptillankuraq ismurunqa, ñawinkuwan qallunkupas maymi kasqanpim ismurunqa.

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.