Jeremías 50:9 - CHUYA QELLQA La Biblia en Quechua de Ayacucho 2012

⁹ Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Quechua Ayacucho Bible 1987

⁹ Norte lawmantam achkallaña huñunasqa nacionkunawan atacachisaq. Babilonia llaqtatam chay lawmanta atacachispay vencerachisaq. Paykunaqa flechakunawan allin peleaq soldadokunam. Paykunaqa flechaspapas hapichiqpuni soldadokunam.

Chuya Qellqa 1992

⁹ Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Jeremías 50:9 Iomraidhean Croise

2~Samuel 1:22

Jonatanpa arconqa wañuchiqpunim, Saulpa espadanpas wañuchiqpunim, kallpasapa qarikunata wañuchispam kutiykamuqku.

Cantares 3:8

Paykunaqa llapallankum espadayuqkama, llapallankum guerrapi peleamuqkuna. Sapakamam wiqawninpi espada watasqa, tutayaypi imapas kaptin defiendenankupaq.

Isaías 21:2

Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Jeremías 15:14

Mana reqsisqaykichik llaqtapim enemigoykichikta servichimusqaykichik. Piñakuyniymi nina hinaraq tukusun-kichik.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 25:26

norte lawpi, karupi kaq, hichpapi kaq reykunamanpas. Kay pachapi llapallan munaychakuqkunamanmi upyachirqani. Paykunapa qepantañataqmi Babilonia nacionpa reynin upyanqa.

Jeremías 50:14

¡Llapa flechaqkuna, Babiloniapa muyuriqninpi churakuychik! ¡Ñoqa Tayta Diospa contraypi huchallikusqanmanta mana samaykuspa flechaykichikta kachariychik!

Jeremías 50:21

Merataim llaqtatayá atacamuychik, Pecod llaqtayuqkunatayá atacamuychik, ñoqapa kamachisqayman hina, qatikachaspa pasaypaqta chinkachimuychik; kamachisqayman hina ruwamuychik, ñoqa Tayta Diosmi chaynata kamachikuni.

Jeremías 50:26

¡Tukuy hinastinmanta hamuspa Babiloniata atacaychik, kawsaykuna waqaychanan taqekunata kichaychik! ¡Runakunata huñuruspa lliwta wañuchiychik, ama hukllapas puchuchunchu!

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Jeremías 50:3

Norte lawmantam Babiloniapa contranpi hamuchkanku, Caldea naciontam pasaypaqta purmachinqaku. Runakunapas chaynataq animalkunapas manañam chaypiqa kanqañachu, chay allpamantaqa lliwmi ayqekunqaku, nispa.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.