Jeremías 50:6 - CHUYA QELLQA La Biblia en Quechua de Ayacucho 2012

⁶ Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Quechua Ayacucho Bible 1987

⁶ —Runaykunaqa chinkasqa ovejakuna hinam karqaku, michiqninkunam ñanmanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Chuya Qellqa 1992

⁶ Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Jeremías 50:6 Iomraidhean Croise

Isaías 1:3

Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 30:15

Israelpa yupaychasqan Chuya Diosmi kaynata nin: Wanakuywan kutirimuspa hawkalla kaspam salvasqa kankichik, hawkalla hinaspa hapipakuq kaspaykichikmi kallpasapa kankichik, ichaqa manam kasukurqankichikchu;

Isaías 32:2

Paykunam sapakama wayramanta harkachikuna hina kanqaku, loco wayra-paramanta harkachikuna hinam kanqaku, chaki allpapi mayukuna hinam kanqaku, sinchi rupaypi qaqapa llantuynin hinam kanqaku.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Jeremías 10:21

Kamachikuqkunapas mana yachayniyuqñam rikurirunku, Tayta Diostapas manañam maskankuchu; chayraykum wichirunku, ovejankunapas lliwñam cheqerun.

Jeremías 13:16

Tayta Diosta yupaychaychik manaraq tutayayta chayachimuchkaptin, tutayaq orqokunapi manaraq mitkaruchkaspa; suyasqaykichik achkitapas manaraq pasaypaq tutayayman tikraruchkaptin.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 2:32

¿Yaqachu alhajankunata huk sipas qonqarunman? ¿Yaqachu casarakusqan alhajankunata novia qonqarunman? Llaqtaymi ichaqa unayña ñoqata qonqaruwan.

Jeremías 23:1

Tayta Diosmi kaynata nin: ¡Ay, imaynaraq kanqaku ovejaykunata chinkarachiq michiqkuna! ¡Ay, imaynaraq kanqaku ovejaykunata cheqerachiq michiqkuna! nispa.

Jeremías 3:23

Alto moqokunaman riyqa yanqapaqmi, alto moqokunapi qapariyqa yanqapaqmi; cheqaptapunipas qam yupaychasqayku Diosllapim Israelpa mirayninkunaqa salvacionta tariniku.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 33:12

Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 50:19

Israeltam pastonman kutichimusaq; Carmelo orqopi, Basán lawpi, Efraín orqokunapi hinaspa Galaad lawpi pastokunatam saksanankukama mikunqaku, nispa.

Ezequiel 13:10

Arí, paykunaqa yanqa willakuykunawanmi runaykunata pantarachinku, mana hawkayay kachkaptin allinllam kachkanchik, nispanku; paykunaqa rikchakunku kuyuchkaq perqata ruwaruspa estucowan llusiqkunamanmi.

Ezequiel 34:14

Suma-sumaq pastokunapi michiptiymi kanchankupas kanqa Israel law orqonkunapi; chaypim sumaq kanchakunapi samaspanku Israel orqokunapi wiñaq sumaq pastokunata mikunqaku.

Ezequiel 34:15

Kikiyñam ovejaykunata michisaq, kikiytaqmi samanankumanpas qatisaq. Ñoqa Tayta Diosmi chaynata nini.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Mateo 10:6

Puntataqa Israelpa mirayninmanta kaq chinkasqa ovejakunaman riychik,

Mateo 15:24

Chaymi Jesús nirqa: Taytayqa kachamuwan Israelpa mirayninkunamanta kaq chinkasqa ovejakunallamanmi, nispan.

Mateo 9:36

Chaymi achkallaña runakunata qawaykuspan paykunamanta llakipayarikurqa, mana michiqniyuq wischusqa ovejakuna hina cheqesqa kasqankumanta.

1~Pedro 2:25

Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.