Jeremías 50:46 - CHUYA QELLQA La Biblia en Quechua de Ayacucho 2012

⁴⁶ Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Quechua Ayacucho Bible 1987

⁴⁶ Babilonia llaqtata pasaypaqta venceruptinkum allpapas katkatatanqaraq, qaparisqankupas wakin nacionkunamanraqmi uyarikunqa.

Chuya Qellqa 1992

⁴⁶ Babilonia nacionta venceruptinkum allpapas katkatatanqaraq, qapariyninpas wakin nacionkunamanraqmi uyarikunqa.

Jeremías 50:46 Iomraidhean Croise

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Jeremías 46:12

Lliw nacionkunam penqaypi kasqaykita yacharunku, qaparisqaykim lliw kay pachapi uyarikun; allinnin qari-qari runakunam chocanakunku, kuskankum pampanta kururakunku.

Jeremías 49:19

Imaynam Jordán mayupa patanpi montemanta león lloqsispa sumaq pastopa kasqanman kallpan, chaynam ñoqapas qonqaymanta hamuruspay Edom nacionniyuq runakunata ayqerachisaq, hinaptinmi ñoqapa akllasqay runaña paykunapi munaychakunqa. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqapa contraypi hatarinman?

Jeremías 49:21

Edom nacionta pasaypaqta venceruptinkum allpapas katkatatanqaraq, qaparisqankupas Puka lamar qochakamaraqmi uyarikunqa.

Jeremías 51:29

Babilonia nacionta manchakuypaq chunniqman tikrananpaq tanteasqanta Tayta Dios ruwayman churaptinqa allpapas katkatatanqaraqmi.

Jeremías 51:54

Babiloniapa nanaywan qaparisqanmi uyarikamuchkan, Caldea lawmantam hatun qapariy uyarikamuchkan.

Ezequiel 26:18

Kay wichiykusqaykiwanqa lamar qochapa hichpanpi nacionkunapas manchakuymantam katkatatanqaku, chinkarusqaykiwanqa lamar qochapa hichpanpi kaqkunam mancharisqallaña kanqaku”, nispanku.

Ezequiel 27:28

Marineroykikuna qapariptinkum lamar qochapa patanpi kaqkuna katkatatanqaku.

Ezequiel 31:16

Wañuqkunawanña kananpaq wañusqakunapa kasqanman uraykachiptiymi, qaparillawanña wichiykuptinmi llapa nacionkuna katkatatanqaku. Hinaptinmi Edén lawpi kaq suma-sumaq sachakunawan Líbano lawpi suma-sumaq sachakuna, yakuta tomaq sachakuna, allpa ukupi kusikunqaku.

Ezequiel 32:10

Qamraykum huklaw nacionniyuq runakunamanpas manchakuyta huntaykusaq, ñawpaqninkupi espadayta hoqariptiymi reyninkupas manchakuypa huntaykusqan kanqaku; Qam wichiykuptikim paykunapas vidankurayku katkatatanqaku.