Jeremías 50:44 - CHUYA QELLQA La Biblia en Quechua de Ayacucho 2012

⁴⁴ Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

Quechua Ayacucho Bible 1987

⁴⁴ —Jordan Mayupa patan montemanta pastokunapa kasqanman lloqsichkaq leon hinam chay sitiomanta Babilonia nacionniyoq runakunata qonqaymanta lloqsichisaq. ¿Pitaq kanqa chayta rurananpaq akllasqay runaqa? ¿Pitaqsi ñoqa hinaqa kanman? ¿Pitaqsi ñoqawanqa churanakunman? Oveja michiqkunamantaqa ¿mayqennintaq contraypi sayanman?

Chuya Qellqa 1992

⁴⁴ Jordán mayupa patan montemanta pastokunapa kasqanman lloqsiq león hinam, qonqaymanta lloqsiruspay Babilonia runakunata lluptirachisaq. ¿Pitaq ñoqa hina kanman? ¿Pitaq ñoqawan atipanakunman? ¿Mayqan michiqtaq ñoqawan churanakunman?

Jeremías 50:44 Iomraidhean Croise

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Isaías 40:18

¿Piwantaq Tayta Diosta rikchanachiwaqchik? ¿Imaman rikchakuqtataq payta ruwawaqchik?

Isaías 40:25

Chuya Diosmi kaynata tapukun: ¿Piwantaq rikchanachiwankichikman? ¿Pitaq ñoqaman rikchakuq kanman? nispa.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 46:11

Intipa qespimunan lawpi kaq runatam qayaruni, payqa anka hinam karumantaraq hamunqa, ñoqapa munasqaytam ruwanqa. Rimasqayman hinam ruwasaq, Tanteasqayman hinam ruwasaq.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 48:14

Chaynaqa, israelpa mirayninkuna, huñunakuspa uyariwaychik: ¿Mayqannin idolotaq kaykunata willakurqa? Ñoqa Tayta Diospa kuyasqay rey Cirom Babiloniawan chaynallataq Caldea nacionwan munasqayta ruwanqa.

Jeremías 12:5

Sichum chakiwallawan kallpaqkunawan kallpaspa pisipachkaspaqa, ¿imaynataq caballopi kallpaqkunawanqa llallinakuwaq? Hawkayaypa kanan allpapi mana hawka kachkaspaqa, ¿imaynatataq Jordán mayupa patan montekunapiqa tarikuwaq?

Jeremías 25:38

Machayninmanta lloqsimuq león hinaraqmi lloqsiramun, paykunapa llaqtankum purmasqa qeparun, Tayta Diospa piñakuyninmi nina hinaraq ratarirun, manchakuypaq guerratam paykunaman kachaykamun.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Jeremías 50:15

Muyuriqninmanta ¡Guerra! nispa qapariychik, ¡Babilonia nacionmi wichirun! ¡Torrenkunawan murallankunam wichirun! ¡Kayqa ñoqa Tayta Diospa vengakuyniymi! ¡Imaynam ruwasusqaykichikta hina paykunatapas ruwaychik!

Zacarías 11:3

Michinanku pastokuna chinkarusqanraykum michiqkuna qapariyllawanña waqachkanku, Jordanpa sumaqllaña saqñunkuna tukurusqanraykum leonkuna qaparkachachkanku.

Números 16:5

Hinaspam Coreytawan hamuqmasinkunata nirqa: Paqarinmi Tayta Dios, pim paypa kasqanta hinaspa pim paypaq sapaqchasqa kasqantapas qawachiwasunchik. Tayta Diosqa akllakusqan runallatam kikinmanqa asuykachinqa.