Jeremías 50:4 - CHUYA QELLQA La Biblia en Quechua de Ayacucho 2012

⁴ Ñoqa Tayta Diosmi kaynata nini: Chay tiempokunapim Israel runakunawan Judá runakuna, ñoqa Tayta Diosta waqastin maskawanqaku.

Quechua Ayacucho Bible 1987

⁴ —Ñoqa Tayta Diosmi nini: Chay tiempokunapim Israel casta runakunapiwan Juda casta runakuna waqastin maskawanqaku yupaychasqanku ñoqa Tayta Diosta.

Chuya Qellqa 1992

⁴ Ñoqa Tayta Diosmi kaynata nini: Chay tiempokunapim Israel runakunawan Judá runakuna, ñoqa Tayta Diosta waqastin maskawanqaku.

Jeremías 50:4 Iomraidhean Croise

2~Crónicas 7:14

sichum sutiyta hatunchaq llaqtay uchuychakuspan qayakamuwaspa maskawanqa hinaspa tukuy mana allin kawsayninmanta wanakuspa ñoqaman kutirikamuwaptinqa, hanaq pachamantam uyariykamusaq hinaspam huchankunata pampachaykuspay allpankutapas allinyachisaq.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Isaías 63:4

Vengakunay punchawmi chayaramunña, llaqtayta reclamanay punchawmi chayaramunña.

Jeremías 31:31

Tayta Diosmi kaynata nin: Hamuchkanmi punchaw, Israelwanpas chaynataq Judawanpas musoq pactota ruwanaypaq.

Jeremías 33:15

Chay punchaw chayaramuptinmi Davidpa mirayninmanta huk ikllipata hatarichisaq; paymi allin kaqkunata ruwaspan, allin arreglokunata ruwaspan kay allpapi munaychakunqa.

Jeremías 41:6

Mizpa llaqtaman chayaykuchkaptinkum, Netaniaspa churin Ismael paykunaman waqastin taripaykurqa, hinaspam kaynata nirqa: Ahicampa churin Gedaliaspa qayllanman yaykuychik, nispa.

Ezequiel 16:61

Mana pacto ruwasqanchikpa parten kachkaptinpas, mayor ñañaykitawan sullka ñañaykita wawaykipaq hina qoykuptiymi, ñawpaqta millakuypaq kaqkuna ruwasqaykita yuyarispa penqakuymanta ñakakunki.

Ezequiel 39:25

Chayraykum ñoqa Tayta Dios kaynata nini: Jacobpa mirayninkunatam preso risqankumanta kutichimusaq, chuya sutiyraykum paykunataqa kuyapayarisaq, chaynapim sutiyta allinta qawachikusaq.

Oseas 1:11

Judapa chaynataq Israelpa mirayninkunam hukllaman huñunakuspa kamachiqninkutapas chullallataña akllanqaku, tukuy hinastinmantam Jerusalenman kutimunqaku,

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Oseas 6:1

Israelpa mirayninkunam nirqaku: Hamuychik, Tayta Diosman kutirikusun. Paymi llikiparuwarqanchik paytaqmi hampiykuwasunpas; paymi heridaruwarqanchik paytaqmi sanoyaykachiwasunpas.

Joel 2:12

Tayta Diosmi kaynata nin: Qamkunaqa tukuy sonqowan kutirikamuwaychik, ayunowan, waqakuywan hinaspa qapariywan kutirikamuwaychik.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Santiago 4:9

Llakikuychik, waqakuy-chik hinaspa qaparkachaychik. Asi-kuynikichiktapas waqakuymanñayá tikraychik, kusikuynikichiktapas llakikuymanñayá tikraychik.