Jeremías 50:37 - CHUYA QELLQA La Biblia en Quechua de Ayacucho 2012

³⁷ Carretankunatawan caballonkunatapas espadawan wañuchimuychik, warmi hinaña katkatatanankukama soldadonkunatapas wañuchimuychik, qori-qollqenkupa contranpi peleamuychik, lliwta suwa apachun.

Quechua Ayacucho Bible 1987

³⁷ Caballonkunapa chaynataq carretankunapa contranpiyá peleamuychik. Paykuna ukupi kaq contratasqanku soldadokunapa contranpiyá peleamuychik. Warmi hinaña kanankukamayá paykunawan peleamuychik. Qori-qollqenkupas suwasqam kanqa peleamuptikichik.

Chuya Qellqa 1992

³⁷ Carretankunatawan caballonkunatapas espadawan wañuchimuychik, warmi hinaña katkatatanankukama soldadonkunatapas wañuchimuychik, qori-qollqenkupa contranpi peleamuychik, lliwta suwa apachun.

Jeremías 50:37 Iomraidhean Croise

Isaías 19:16

Chay punchawmi Egipto runakuna, warmikuna hina llumpay mancharisqallaña katkatatanqaku. Paykunata Tukuy Atiyniyuq Tayta Dios castigasqarayku.

Isaías 45:3

Pakasqa qori-qollqekunatam qosqayki, Israelpa Tayta Diosnin kasqayta yachanaykipaq; pakaspa waqaychasqa kaqkunatam qosqayki, sutikimanta qayaqniki kasqayta yachanaykipaq.

Jeremías 25:20

Egipto nacionpi huklaw llaqtayuqkunamanpas; Uz nacionpi reykunamanpas, Filistea lawpi kaq Ascalón, Gaza, Ecrón chaynataq Asdod llaqtakunapa reyninkunamanpas;

Jeremías 25:24

Arabia lawpi, chunniq lawpi kaq llaqtakunapa reyninkunamanpas.

Jeremías 48:41

Llaqtakunapas enemigopa munaychakusqanmi kanqa, amparakuna sitiokunapas tuñichisqam kanqa. Chay punchawmi Moab nacionniyuq allinnin qari-qari runakunapa sonqonku hukmanyarunqa, wachakuywan ñakariq warmi hinaraqmi rikurirunqa.

Jeremías 50:10

Caldea nacionpa tukuy imantam apakunqaku, mana apaypas atinankukamam qechunqaku. Ñoqa Tayta Diosmi chaynata nini.

Jeremías 50:26

¡Tukuy hinastinmanta hamuspa Babiloniata atacaychik, kawsaykuna waqaychanan taqekunata kichaychik! ¡Runakunata huñuruspa lliwta wañuchiychik, ama hukllapas puchuchunchu!

Jeremías 51:21

Qanwanmi wañuchini caballokunatawan sillakuqninkunatapas, carretakunatawan manejaqninkunatapas.

Jeremías 51:22

Qanwanmi wañuchini qarikunata warmikunatapas, warmakunatawan machukunatapas, jovenkunatawan sipaskunatapas,

Jeremías 51:30

Babilonia nacionpa allinnin qari-qari soldadonkunam mana peleanankupaq pakakurunku, mana kallpayuqñam rikurirunku, warmikuna hinañam rikurirunku; wasinkunam kañasqaña kachkan, punkunkunapi cerrojonkunapas pakipasqañam kachkan.

Jeremías 51:4

Lliw Caldea nacionpim wañuchisqa kanqaku, lanzawan wañuchisqakunam callenkunapi wischurayanqaku.

Ezequiel 30:5

Etiopía, Fut, Lud, Arabia hinaspa Libia nacionniyuqkunam espadawan wañuchisqa kanqaku, paykunaman hukllawakuq nacionkunapas wañunqakum, nispayki.

Ezequiel 39:20

Qamkunapaqmi caballokunapa, sillada tropakunapa, tropakunapa hinaspa guerrapi peleaqkunapa aychanwan huk convidota ruwapusqaykichik, hinaptinmi saksanaykichikkama mikunkichik. Ñoqa Tayta Diosmi chaynata nini.

Nahúm 2:13

Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.

Nahúm 3:13

Tropaykikunapas qampaqqa warmikuna hinam. Llaqtaykipa punkunkunapas enemigoykikunapaqmi chaylla kichakuykunqa, punkuykipa candadonkunatapas ninam rupanqa.

Hageo 2:22

nacionku-napa atiynintam tuñichisaq, munay-chakuqkunatam puchukachisaq; gue-rrapaq carretakunatawan manejaq-ninkunatam wichichisaq, caballokunapas sillakuqninpiwanmi wañunqaku, kikinkupurallam espadankuwan wañuchinakunqaku.