Jeremías 50:31 - CHUYA QELLQA La Biblia en Quechua de Ayacucho 2012

³¹ Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Quechua Ayacucho Bible 1987

³¹ Llapallan Kamachiq ñoqa Señor Diosmi kaynata nini: Contraypi hatunchakuq nacion, contraykipim kachkani. Qamkuna castiganay punchawmi chayaramun. Qamkuna castiganay tiempom chayaramun.

Chuya Qellqa 1992

³¹ Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Jeremías 50:31 Iomraidhean Croise

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Jeremías 21:13

Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

Jeremías 48:29

Moab nacionpa hatun tukuq, pay tukuq, qari tukuq, badulaki, hinaspa mana kasukuq kasqantaqa yachanchikmi.

Jeremías 49:16

Hatun tukuynikim pantarachisunki, sonqoykipa hatun tukuyninmi pantayman aparusunki. Qaqapa uchkunkunapiña yachaptikipas, alto raqchikunapiña wasichakuruptikipas, anka hinaña alto qaqakunapi qesachakuptikipas, chaymantam wikapamusqayki. Ñoqa Tayta Diosmi chaynata nini.

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Jeremías 50:32

Hatun tukuq nación, mitkaruspam urmarunki, manam hatarichisuqnikipas kanqachu. Llaqtaykikunatam kañaykusaq, chay ninam muyuriqnikipi kaqkunatapas rupanqa, nispa.

Jeremías 51:25

Ñoqa Tayta Diosmi nini: Nacionkunata tuñichiq orqo, qampa contraykipim kachkani. Makiytam castiganaypaq hoqarisaq, qaqapa hawanmantam kumpaykusqayki, hinaspaymi kañasqa orqoman tikrasqayki.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Ezequiel 38:3

Ñoqa Tayta Diospa nisqayta kaynata niy: Mesec hinaspa Tubal lawpi kamachikuq Gog, ñoqaqa qampa contraykipim kachkani.

Ezequiel 39:1

Runapa churin, Gogpa contranpi profetizaspayki ñoqa Tayta Diospa nisqayta kaynata niy: Mesec hinaspa Tubal lawkunapi kamachikuq Gog, qampa contraykipim kachkani.

Ezequiel 5:8

Chayraykum ñoqa Tayta Dios kaynata nini: Ñoqapas qampa contraykipi sayarispaymi wakin nacionkuna qawachkaptin sentenciaspay castigasqayki.

Nahúm 2:13

Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.

Nahúm 3:5

Tukuy Atiyniyuq Tayta Diosmi nin: Qampa contraykipim kachkani, pachaykita uyaykikama qempiruspaymi nacionkunaman hinaspa munaychakuqkunaman penqaynikita qawachisaq.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

Apocalipsis 18:8

Chayraykum huk punchawllapi kay sasachakuykuna hamunqa: Wañuywan, waqay hinaspa yarqaypas. Chay llaqtaqa kañasqam kanqa, Señor Diosqa Tukuy Atiyniyuqmi, paymi juzganqa.