Jeremías 50:29 - CHUYA QELLQA La Biblia en Quechua de Ayacucho 2012

²⁹ Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Quechua Ayacucho Bible 1987

²⁹ Paykunam ninku: “Flechawan llapallan peleaqkunatayá qayamuychik. Babilonia llaqtata atacanankupaqyá qayamuychik. Chay llaqtapa muyuriqninpiyá campamentota sayachiychik. Mana pipas chay llaqtamanta lluptinankupaqyá harkaychik. Rurasqanman hinayá chay llaqtamanqa pagaychik. Paykunaqa Tayta Diospa contranpim hatunchakurqaku. Israelpa yupaychasqan Chuya Diospa contranpim hatunchakurqaku.”

Chuya Qellqa 1992

²⁹ Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Jeremías 50:29 Iomraidhean Croise

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Isaías 47:10

Mana allin ruwasqaykikunapi hapipakuspam nirqanki: “Manam pipas rikuwanchu”, nispayki. Yuyaysapa hinaspa yachaysapa kaynikim pantarachisunki. “Ñoqallam kani, ñoqa hinaqa manam pipas kanchu”, nispam nirqanki.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 48:26

Tayta Diospa contranpi hatarisqanmanta Moab nacionta sinkachiychik, chaynapim Moabqa kutichisqanpipas qochpanqa hinaptinmi llapallanku asipayanqaku.

Jeremías 49:16

Hatun tukuynikim pantarachisunki, sonqoykipa hatun tukuyninmi pantayman aparusunki. Qaqapa uchkunkunapiña yachaptikipas, alto raqchikunapiña wasichakuruptikipas, anka hinaña alto qaqakunapi qesachakuptikipas, chaymantam wikapamusqayki. Ñoqa Tayta Diosmi chaynata nini.

Jeremías 50:24

Yaw, Babilonia llaqta, contraykipim toqllata churaruni; mana musyakuspam chay toqllaman wichiykunki. Tayta Diospa contraypi hatarisqaykiraykum hapirachikuspa presocharachikunki.

Jeremías 50:26

¡Tukuy hinastinmanta hamuspa Babiloniata atacaychik, kawsaykuna waqaychanan taqekunata kichaychik! ¡Runakunata huñuruspa lliwta wañuchiychik, ama hukllapas puchuchunchu!

Jeremías 50:32

Hatun tukuq nación, mitkaruspam urmarunki, manam hatarichisuqnikipas kanqachu. Llaqtaykikunatam kañaykusaq, chay ninam muyuriqnikipi kaqkunatapas rupanqa, nispa.

Jeremías 50:9

Babilonia naciontam norte lawmanta hamuq atiyniyuq nacionkunawan atacachisaq, llapallankum huklla yaykuspa munaychakurunqaku; paykunaqa flechakunawan allin peleaq soldadokunam, flechaspapas hapichinkupunim.

Jeremías 51:24

Ñoqa Tayta Diosmi kaynata nini: Babilonia nacionmanwan Caldea runakunamanmi, Sión llaqtapi mana allinkuna ruwasqankumanta qayllaykichikpi pagasaq.

Jeremías 51:3

Flechaqkuna flechananku arcota alistachunku, qasqonkuta wasankuta harkachikunawan churakuchunku, Babilonia nacionpa jovenninkunataqa ama llakipayaychikchu, tropankunatapas lliwta wañuchiychik.

Jeremías 51:49

Israel runakunata wañuchisqanmantam Babilonia tuñichisqa kanqa, kay pachapi runakunata wañuchisqanmantam Babilonia purmachisqa kanqa.

Jeremías 51:56

Babiloniata tuñichiqkunam hamurunku, tropankunatam presocharunku, flechananku arcotam pakiparunku. Tayta Diosqa imam ruwasqankuman hinam pimanpas pagapun.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Lamentaciones 3:64

Dios Taytalláy, imam ruwasqankuman hina paykunaman pagaykapuy.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Abdías 1:15

Nacionkunata Tayta Diospa juzganan punchawmi hichpaykamuchkanña. Edom, imaynam ruwasqaykiman hinam qampas ruwasqa kanki, imaynam ruwasqaykiman hinam pagasqa kanki.

2~Tesalonicenses 1:6

Diosqa justom, haykam ñakarichisuqnikichiktaqa paymi ñakarichinqa,

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Apocalipsis 18:6

Paykunamanqa qosqankuman hina kutichipuychik, ruwasqankuman hina huk chaynatawan pagapuychik, upyachisqanman hina huk chaynatawan upyachiychik.